على السحاب اركض معك لا لمحتك!!!اهداء الى خالد الشامخ

[خالد الدوسري]

http://www.alnshama.com/music/nshama01.ra

http://www.azoof.com/vb/images/smilies/new/azoof_baaa2.gif لكل من حضر هنا

.........................البداية.................. ...........


لك هاجس العالم سرى عنّك وفيك=نفس الزمان اللي نسيتك ذكرتك
وانت الذي كل الهواجيس تطريك=ولولا هواجيس الهوى ماعشقتك
مابين شمس خدودك وليل عينيك=على السحاب اركض معك لا لمحتك
واللي خلق حبك بقلب العنا (اغليك)=كثر الارق في ناظري لا سهرتك
يعكس مسار الارض لا حل طاريك!=وشلون لو يا كامل الوصف شفتك!
تعال بطوي صفحة الهم بيديك=وبلمس معك سطح القمر لاحضنتك
ولو ذابت جسور الوصل تحت رجليك=بمد لك قلبي جسر لا فقدتك

http://www.azoof.com/vb/images/smilies/new/azoof_baaa2.gif

.................................بداية النهاية...................................
اصحى حبيبي لاتنام
لاتخليني لليل
مايجود الا بهموم
ليلي وتعرفه بخيل
فوق هذا انه طويييل



وحشة اشباحه بصدري
صدري!..لا ذا كان قبري
ليت ماكان الهيام

قم حبيبي ضمني
وفي عيونك لمني
وقول ناام وقول ناام
وغن لي جوز الحمام

وانثر البسمات حولي
دام ضحكاتك ميولي
تجهر عيون الظلام

تصدر بضحكتك نور
وخطوتك ترمي زهور
وتشتعل شمعة غرااام

اصحى حبيبي لاتنام
بهز لك كتف النعاس
وبشعل الساحه بناس
وبملى صمتي بالكلام

ولاتدري نام نام
دام حزني انتصر
وفاض غبني بصدر
وااعلى الدنيا السلام

http://www.azoof.com/vb/images/smilies/new/azoof_baaa2.gif

...............................النهاية............ .................



ياطير النورس اشواقي..رمت قلبي على الشاطي=عنيت اعصار بالغربة وحطم مركب احلامي
وصار القلب يشكي لك سبايب جرحه الساطي=وجرحه بالصدر خافي ولكن بالخفا دامي
ياطير احس خفاقي على جمر الوله واطي=جيوش الشوق من خلفي وغدر البحر قدامي
مكاتيب الهوى خذها لاصار الخل متباطي=وقله عاشقك لو نام صوت الليل مانامي
وقله كلمة(ن) حطت على حروف الغلا نقاطي=تعني الحبك بااشعاري ولكن يحذف اللامي
هذاك اللي الى شفته بعذب الشعر احتاطي=ويصبح قلبي لساني واهدي راجف عظامي
عظيم(ن) لا اقبل احس الجسد بالقرب متعاطي=وزلزال اسيا يهتز فجاة تحت اقدامي
اخيط الحزن لي ثوب(ن) وشق ان شفته اخياطي=وحطم مركب امالي ولم بو صله حطامي
كتبته للامل بيت(ن) وكانت اكبر اغلاطي=نسيت ان الهوى ياتي بما لايشتهي الهامي
سقى الله سالف اعوام(ن) بها كف الوصل عاطي=واعيش بناظره ليل(ن) ترك لونه للايامي
لاشك فراقنا غلطة زمن او كنت انا الخاطي=او انّه... والمهم اني ضميته والضما ضامي
وانا الاشواق والاحزان والاهات اوساطي=احس (ابلا الم) لذة الا وان زادت الامي
صبرت ولابقى غير الخفوق الدامي بساطي=وحظ(ن) من ثمان اشهر ردي العرف ماقامي
عموم(ن) بوعدك اني اجيلك بااروع انماطي=ولكن ماعرفت الا نمط ياسي واوهامي
وداع..ولو غدت ماضي عهود العشق اسواطي=على ظهر الندم ويصير بين اسناني ابهامي
ياطير الشط لي قصة وجابتني على الشاطي=عنيت اعصار بالغربة وحطم مركب احلامي

غريب الروح

[خالد الشامخ]

اخي / خالد الدوسري


شكرا على هذا الاهداء الجميل
وعسى راسك سالم

دمت زاخرا

[أم أحمد]

خالد الدوسرى

شكرا لك

ومن البدايه تسعدنا أشعارك

[سالم السرهيد]

اخي خالد الدوسري ..



الله يعطيك العافيه ماقصرت ..


مجهود تشكر عليه ,



واخونا خالد الشامخ يستاهل كل خير .



تحياتي .



سالم

[خالد الدوسري]

ارررحب ياخالد

...العفو ايها النقي

...وجودك اسعدني.

..فا دمت جميل المشاعر

...مغليك غريب الروح

[حمدان الشمري]

أخوي خالد الدوسري


ياهلا ويامرحبا بك ألف


وحضورك مبهج ورائع


وأخوي خالد الشامخ يستاهل الاهداء المميز منك


لك جل التقدير والاحترام


وسننتظر جديدك


تقديري واحترامي

[عبيدالله العرابي]

اخي خالد الدوسري ..

رائع جداً هذا الحضوروهذا الوفاء..

دمت كما تحب ياخالد ..

تحياتي لك

[خالد الدوسري]

ارررحبي يا اريج

...تواجدك اسعدني

....لاهنتي غريب الروح

[الجارحه]

اخي // خالد الدوسري

تسلم وماقصرت

واخونا الشامخ يستاهل

الف شكر

اختك // الجارحه

[نزف]

لله دركـ .. مفتن حرفكـ ..

يجبر على التمعن ..

مازلت أنا كذلكـ .. سوف أبقى أتمعن ..

لكـ مني أطيب المنى ..

[خالد الدوسري]

اررررررحب ياسالم

...لاهنت وعسالك سالم

...شمس تواجدك نورت متصفحي

...العامر بمشاعرك

...دمت بخير

...مغليك خالد