(( الـجــنـة تـحــت أقـــدام الامــهــات ))

[منصور الرويلي]

http://www.almorattal.net/images/basmla.gif

هذه القصائد الأقرب لنفسي
من أول بداياتي مع الشعر لأخر دمعة
فراق على رحيل والدتي ( رحمها الله )


( الـجـنـة تـحـت أقـدام الأمـهات )


أهـديـكِ يـمـه ماورثـتـه عـن أبـوي

مـن شـعـرً يجـسـد قـضـيـة حـياتـي

أبي تكون المـوعـظـه رسم لاخوي

حـتى يجـنـب غـلـطـتي من وصاتي


ســبـع الــوصـايا ؟!
0

أمـي فـخـرهـا ( مــرّده ) ساسها العالي = جدي أبوها وأبوي أطيب قرايبها
اليا أنتخى بأسمها ياصاحبي خالي ؟ = شابت عـيون المصايب من مصايبها
لاضاقت فجوج الـدهـر والليالي = حـرً جدوده ماغير الطيب عايبها
فقـيـدها اللي بقـبره وكنه أقبالي = له هقـوةٍ بي .. عـسى الله مايخيبها
علمي به يقول : بـعـدي أنـت أبـوعـيالي = علمك يجيني لو أني في ترايبها
مـيـقـن بأنـك رجـل .. لا مايــورالي = منك المنايا تهاب ولاأنت هايبها
والله ياسلطان لـولا اللي على بالي = لاأطا على الموت وأعانق صعايبها
مير البلا يالسنافي ماني لحالي = سبع الوصايا بصدري قبر غايبها
بكره .. أذا الموت ( فال الله .. ولا فالي ) = من يقنع عيون ماشافت حبايبها
أصدق من أعـداي سـود أوجـيـّه عـذالي = أن قلت ماأخـطـيتها .. ماقـلـت صايبها
ياجرحي اللي لقيتك تسرج أظلالي = فعايل عداي ورتني غرايبها
لقيت دربي طويل وطال ترحالي = واللي حصل في حياتي من سبايبها
أمشي ورمشي بدمع الهم يبرالي = حتى غدا نزف شعري من ضرايبها
شيبّـت قلبي وعقلي شيـّب أهـبالي = والروح تنزف وفا في كف صايبها
وياويل حالي علّي .. وياشقا حالي ؟ = لاصار أصغر جروحي كبر شايبها


يايمه اللي من حنانك عطاني
يقـدر يبّدل حالة العسر باللين
.
أعــد وقـتي وأحـسـبة بالـثـواني
للي بقى وأن فات من عمري سنين
.
عندي أمل .. عندي طموح وأماني
وللمـرجـلة عـندي دلـيـل وبـراهـيـن
.
ماألوم بعض الناس لوهو رماني
يوم أتــّذكر مؤقفي عند الادنين


ماكل مطـرودً مع الآم ملحوق !!
.

هزتني اللهفه وحركني الشوق = وأسرعت تدفعني عواصف لقاها
من فرحتي بأطير فوق السما فوق = وأفرد جناحي فوق عالي سماها
حبيبتي بالعطف لو يزعل الذوق = فكري يناجي في جهاته رضاها
بين الغلا والوجد والدمع والشوق = والبسمة اللي يحتويني غلاها
ماهو غلا مابين عاشق ومعشوق = أبعد طموحي ماوصل منتهاها
ماكل مطـرودً مع الآم ملحوق = هي الوحيدة مانلــّحق جــزاها
الشعر فيها من مظامين وحقوق = مايـنـتــّـقارن 00 مع أجابة دعاها
فيها المعاني جاوزت كل منطوق = مهما كتبت إقصِْـر ولاأعـبر فضاها
ينساق شعري غصب عني لها سوق = بالهقوة اللي ماتـخــّيب رجاها
لاشفتها كني من الوجد مطفوق = وأصدق شعوري يحتفي في لقاها
( أمي ) غلاها فوق كل الملأ فوق = فوق النجوم وتحت صدري غلاها


طــريـق الـجــنــة ؟
.

أغلا الأهل وأنتي غرامً أحبـه = أعف وأطهر حـْب 00 حـبي لك أنتي

الله عزيز الملك 00 حبـك يحبـه = وشلون مافرح وأهتني لافرحتي

حـبـيـبتي 00 ياأم الغلا والمحبه = يفز قلبي بالغلا لاطـريتي

أنتي لنا نهر الحنان ومصبه = وأرضاكِ هو نور الامل لارضيتي

من يزعْــِلك يزعل من القلب ربه = وانتي طريق الجنه ليا دعـيتي

الشعر كنه ينطفـي يـوم أشبـه = لاجيت أبكتب هالشعور وسميتي


( الـمــهـا )

طاب السكوت وهاجس الحكي ماطاب = قلته وأنـا ماقلـت مكتـوب عاميـن
العام غاب وطيف الأحباب ماغـاب = ليـت المسافـه والقطاعـه نهاريـن
أن قلت مابه شـك والظـن ماخـاب = يقيـن والحجـه عليهـا براهـيـن
وأن قلت هالمعنى لي أقـلام وكتـاب = في لـون واحـد ماتكوّنـت لونيـن
ماقلتها وأسمي لها حضور وغيـاب = شاعــر ولاني عاشق اليـاس والبيـن
لي بالفرح والهـم موعـد ومرقـاب = ولي بالتعب والعشق دمعه وجرحيـن
أنسان بالدنيا لي حـروف وحسـاب = وبالحظ والقسمه لي عيون وأيدين
واليوم والليله 00 عـناوين وأبواب = أنشد وأسولف بالنفـس والشراييـن
بين المرايـا والملامـح والأسبـاب = أن جاد حظي كل واحـد لـه أثنيـن
الشوق غالي والأمل مهـر الأحبـاب = والحلـم واحـد 00 والأمانـي ملاييـن
أن قلت أنا مثلي مثل كل الأصحـاب = أحب واكـره فـي حـدود وقوانيـن
أقولهـا صـادق ولانـي بـكـذاب = غير ( الـمـهـا ) ماعندي أحبـاب غاليـن


أغــــــلا الــبــشـــر
.

أنا والله مـدري والذي عـن حالتـي داري = وش أكتب عنكِ ياكبر من قصيدي وأجمل شعوري

وش أكتب عنكِ وأنتي مبتـداي وكـل مشـواري = وش اكتب عن بدايات الغلا والحـب وحضـوري

وش أكتب عنكِ وحروفي حياها يخذل أصراري = أنا ودي أعــوضكِ بس أنا منظام من جوري

أنا ( يـمــه ) تغربلت 00 وبلشـت بحكمـة = اذا عـمـّرت جدران الحياه 00 انهد بسطـوري

عزاي اني معكِ مـن ويـن ماتأخذنـي أسفـاري = أنا لولا رضـاكِ00الله وأعلـم ضايـعً دوري

أنا ياأغلا البشر لو بس زهمتـك تنطفـي نـاري = ويشرح صدري الله وأرتمي عن نـاري بنـوري

وأنا لـو أنطعـن مليـون مـره فدوتـك ثـاري = مدامي بس أشوفك مقدر أطلع عن بعض طـوري

أنا أول حروفـي حالـفً بالواحـد البـاري = بأني من تحت ماطاكِ00انا والشعـر وشعـوري


ماعبر البوح عن حزني وغربالي = حتى القصايد تخون أحساس كاتبها
فقدت أنا أمي وفاقد قبلها خالي = وأثري البشر بعض حزن الناس يطربها
يالله وأنا طالبك .. ياالله ياوآلي = أمٍ حملني حشاها لاتعذبها
وأرجو من اللي قرأ فيها آخر أمثالي = يقول الله يرحم ( أم كاتبها )


نــزعـة الـــروح !!
.
واللي رفع رأسك على رؤس الاشهاد = اللي شمل كل المخاليق عطفه ؟
أني مثل منهو على الحتف منقاد = يضحك وهو يشرب من الموت رشفه
بي جرح ماله غير نزفه له ضماد = وشلون أطــّـيب ولابعد كف نزفه
أصد عن قلبي مسا ليلة حداد = ماودي أسمع بين الاضلاع رجفه
أخاف تلمح دمعتي عين نقاد = وعيني بها عن رخص الانظار عفه
شامخ وضعفي مجهدً روحي أجهاد = ونفسي لها في وجه الاحزان وقفه
أصبر وفيني لاهب الصبر وقاد = في بيت حزن من العزى شق سقفه
ياليلةٍ سودا بها الوقت لاعاد = أمي 00 وراحت من تريدين خطفه ؟
آخذتي اللي كانت لروحي أبلاد = ومن بعدها حملي غدر فيه كتفه
صبحٍ تـشــّيب طلعته طفل الامهاد = شايل عذاب ويسحب الويل خلفه
نزعت كبدٍ من فلذات الأكبـاد = نزعة صبْي العين من حد طرفه
لو أقدر أوصف نزعة الروح مافاد = مدام أنا اللي ميتٍ قبل حتفه
ولو أذرف دموع القهر دم 00 وش عاد = بالموقف اللي بالشعر صعب وصفه
ليت الوليف اللي مواليفه أبعاد = اللي فقد مع ضيم الايام ولفه ؟
لوهو يحس بلوعتي كان ماعاد ؟ = يبكي على اللي بالهوى كان شفه
يالعين ربعكِ عن سهر ليلك رقاد = ماحولكِ اللي تستميلين عطفه !!
أن كان جمرة دمعتكِ صارت رماد = قولي لحزنك ينثر الدمع كفه
دام الهموم بصدري 00 لصدري أوتاد = مالي جدى كود إسأل الله لطفه

[منصور الرويلي]

تـداخـلـت الألـــوان 00

ماعدت أعرف كيف أوصفها

هل حروفي النازفة

وهم00أم00لوعة 00لقاء ؟!

أم تلك اللوحه 00 وجع
وحنين لنهـر الصدق والحنان

أم بقايا عشقي لانسانه
تـمـلك الـوجـود بـيـّديـها !!

لاأعــرف ؟ حيرة تبدد كل أفكاري
وتبعثـّر حروفي وتستبيح أوجاعي

0
0

ماأتعس أن أظل وحدي 00
أسـمع صـوت اللـوحـات 00
بينما قلبي مخنوق بالآهات

0
0

كـل جــزء مـنـك 00

صوتك

همسك

كلماتك

حضورك00وغيابك

حبك النقي00 ( أمــي )

تجـسـيـد للأنـثى عـنـدي

فهذه بعـضاً من بعـض صـورتــك ؟





صـــــــوره ؟!
0
0
صوره لهـا كـل الفضـا درب وأبعـاد = صوره لها روحي مصابيح وشروق
صـوره لهـا روحـي معاميـل وأمجـاد = وعن ماتبيه من الغلا شهـد وعـذوق
صوره ولاهي بالصـور حلـم ووسـاد = صـوره يعـادل وزنهـا كـل منطـوق
لـو كـل مـن حْـب وبعـد كــل قـصّـاد = يقـدر ينشـد لونهـا جــاوب الـشـوق
وشلـون أبرسـم ظلهـا وجـه وامـهـاد = مع كل مافيها مـن الوصـف والـذوق
نــص التـفـات بعينـهـا فـيـه مـيـعـاد = تاخذ من اللي غيرها ماعطى حقـوق
ماغـاب عـن عينـي وهجـهـا ولاكــاد = انـه يصيـر ولفـح الأكـوان ملحـوق
صوره تصحـي هاجـس القلـب لانـاد = في وقت ماحينه على القرب مسبوق
لـو قيـل مـن هـي مامـع البـوح نـشـاد = مع برهـا لاأقـول أنـا كلـي عقـوق
علـى اسمهـا ولاهـي هـدف كـل نقـاد = كـن المسمـى لأسمهـا الحـر مخلـوق
أنـا بهـا حـي وبـهـا أمــوت مقـصـاد = لأول هـدد وآخـر جناحيـن وسبـوق
وأنـا لـهـا طـفـل يــروح ولـهـا عــاد = وأنا لهـا بعقلـي مـن الحـب مطفـوق
( صوره ) وأهلها أصلهم منبت أسيـاد = نتبع رضاها وان زعل كل معشـوق
كأني ( ولـدهـا ) بالنـشـامـا والأجـــواد = لاحط راسي تحتهـا وأمرهـا فـوق !!




في سماء حياتي00

يتدلي ناقوسا بحجم القمر

يتأرجح يمينا00ويسارا

يحطم جبال الخوف بداخلي

وصدى دقاته يسمع بعد كل ساعه

في رحاب وجداني

ولكنه لايشبه أي ناقوس في العالم

لأن00ناقوسي يدق على عدد حروف اسمها


& م &

& هـ &

& ا &

ابتداء من اول يوم احتضنتيني فيه
الى أن تحتضنك عيني بعد ان تغمض أمي

باتزان الصمت الأسير00أكتب لها

وبجنون اللوعه المحاصره00أكتب لها

وعند شروق شمس الماضي00أكتب لها

على جزيرة الذكريات البريئه السعيده 00 أكتب لها

0
0

تتوارى الأحزان00خلف لحظات الفرح

تباغتك00وتفاجئك بخنجرها السام

وتغرسه في ظهر تلك اللحظات حتى النزيف

وتنخر عظام أيامنا حتى الوجع

تغتال الابتسامه الساكنه على شفاهنا

ويموت الفرح بعد حالة أحتظار عصيبه

وفي حالة نزاع مؤلمه لايحتويها حرف ولامعـنى





ياصمت دام الصوت مايلحق الفوت = أنا بوجهك تلحق أفوات همي
بعضي يعزي بعضي بصمت وسكوت = الين ماضاقت عروقي بدمي
وآفوح قلبٍ ضمه الصدر تابوت = ياحر جمره لاطرت دمعة أمي



(( مجموعة أنثى فوق كل القوانين ))

حين يتكلم صمتي ألما00

وحين تثير جراحي أحزانا

لانهاية لها

وحين يرسم العذاب
خطوط مقعده على صفحات أيامي

وحين يعرض الأمل عني
ويتركني بين أنياب اليأس00ويهجرني

وحين تصطدم نظراتي
بجدران الوحده00وتعود منكسره

حينها فقط00سأرثيك أمي00سأحلم بك أمي

وأفرغ طاقة لحظاتي الجميله معك في قصائدي

لأعيد مصباح الأمل المطفي

وأجعلك ( حبيبتي )

وحاضري00ومستقبلي00
وصانعة أيامي الجديده

بطيفك الذي لايفارقني

وأهمس لك00

أ

ح

ب

ك

لأغذي روحي

(( أمي ))

عشت بين طيات الحزن بعدك00
وخلف عذاب الماضي

سكن الألم قلبي00ومزق أحلامي

ليس أمامي سوى مرآة الذكريات المره

هنا00بين كلماتي الداميه00

ونظراتي المتعبه00وأسوار أمنياتي الشائكه

أجدك بين ثنياها00تنحصرين أمامي

أصرخ بصوت مذبوح لتسمعيني

أمد يدي لتنتشليني00من أناتي

أفتح صفحات أيامي لتري حاضري المجهول بدونك

لاتذهبي00كلمه علقت بلساني00وأدمتها أقداري




دمعة أمل جفت على أرض الاوهام = جفت قبل كف الثرى لاتطوله
دمعة ندم وآقفت على رمش الاحلام = صملة شجاعه بخوف نفسً جفوله
دمعة قهر سالت علـى خـد منظـام = أصدق من اللـي مايكـّـذب رسولـه
جمرة سهر ( ترمد ) واذا جيت آبنام = شبـت تقـول الويـل نـوخ ذلولـه
قلت انطفي ماني على خبـرك العـام = أصعب من اللـي مستحيلـه حلولـه
واللي على خلقه فرض دين الاسـلام = أن الحزن في داخلـي صـار دولـه
من يوم ماتـت كـن ماقبلـي أيتـام = أشوف حلمي لكـن أزريـت أطولـه




(( مـجــمــوعـة أنـثـى

فـوق كـل الـقـوانـيـن ))




أمـــــــي !!
0
0
في صدري أسمع صمت شيْ أيتكسر = بالليلـه اللـي ليلهـا صـار ليليـن
هـو قلبـي اللـي بالمحانـي تفّطـر = او دمعةٍ مـن كبرهـا مالقـت عيـن
ضميـت قلبـي ليـن قلبـي تفجـر = وأحرق بنبضـه مابقـى بالشراييـن
كـن الخناجـر بالضلـوع أتسـمّـر = وتصرخ بداخل خافقي لوعـة البيـن
ليت الجـروح مـن الرمـاح أتعّـذر = كان أعتذر ظلي عن ألفين سكيـن
ياقلـب يفـداك الــردي لاتحـسـر = موت الطريـق ولاضيـاع العناويـن
( أمي ) وراحت وش بقـى ماتكّـدر = ( أمي ) وراحت تونس أطعونك منين
كانت هنا.. كانت أنا .. كانـت أكثـر = مابينها وبيني سـوى كلمـة ال بيْـن
أتلمنـي 00 وألمهـا 00 وأنتبّعثـر = أنا .. وأنا وأظمهـا ( ضمـة اثنيـن )
( أمي ) الحنيـن اللـي بقلبـي تنثّـر = صدق الخيال اللي عليـه البراهيـن
( أمي ) الطريـق اليـا وطتـه يتكبـر = الله خلقهـا وأنحنـى النـور للطيـن
( أمـي ) النسيـم اليـا لثمهـا تعطـر = منها .. لها لامالـت الشمـس ظليـن
أذكر ( دعاها ) كل لحظـه وأبذكـر = هاك الغلا والصدق والعطف والليـن
أقلهـا اللـي مايجـي بعـده أكـثـر = مجموعة أنثى فـوق كـل القوانيـن
ياليلـةٍ سـودا بهـا الـهـم كـشّـر = من وين أببدى سكة الموت من وين ؟
كنـي لـكِ الله بالمكـان أمِتسـمّـر = رديت دمعي لين ضاقـت بـه العيـن
وشلـون أجبّـر كسـر ماينتجـبـر = وشلون أبقـرأ شـئ مالـه عناويـن
ياجرحي أنزف أكثـر وأكثـر أكثـر = مادامني دافـع ثمـن غلطتـي ديـن
ياعلني أصغـر كثـر ماانـت تكبـر = اني على الرمضا تقـل بيـن ناريـن
أصبر .. ولكـن وش عليـه أتصبّـر = لاصار حتى الحلق مادونه أيديـن


( مـنـصــور الـرويـلــي )

[بشاير آل عبدالله]

مهما كتبنا او وصفنا فلن نستطيع ان
نتوصل الى حقوق امهاتنا


الام لها مكانه عظيمه فنقدر من يحترمها




كما قال الشاعر
على حسب ضني
بدر الليمون


أماه يا أغلى بشر في حياتي = ياأعز من يمشي علىالأرض مخلوق
أنتي ماغيرك ياحنونه مناتي = وأنتي مكانك دايماً عالياً فوق
ماالحق جزاك ولين تدني وفاتي = جعل الولي يرعاك ياقرة الموق
يومك تجيني با الزياره اخطواتي = دايم على شاني تعنين برفوق
يما سهرتي والخلايق تباتي = يما احرتمتي لجلنا حالي الذوق
ارخص حياتي والولد والبناتي = لك ياالحنونه كامل الحب وحقوق


نشكرك اخ منصور الرويلي

على هذه القصائد الرائعه

[محمد يسلم]

منصور ... .الله يرحمها ويغمد روحها الجنه ..

ويلقيك معهخا في يوم ٍ مبارك وسعد ٍ طيّب .. في الجنه يا رب العالمين


وصح لسانك على ما جاد به حزنك .. .

والله يغر لها يا رب

[أم أحمد]

طريق الجنة ؟
.

أغلا الأهل وأنتـي غـرامً أحبـه
أعف وأطهر حْب 00 حبي لك أنتي

الله عزيز الملك 00 حبـك يحبـه
وشلون مافرح وأهتنـي لافرحتـي

حبيبتي 00 يـاأم الغـلا والمحبـه
يفـز قلبـي بالـغـلا لاطريـتـي

أنتي لنـا نهـر الحنـان ومصبـه
وأرضاكِ هو نور الامل لارضيتـي

من يزعِْلك يزعل من القلـب ربـه
وانتي طريق الجنـه ليـا دعيتـي

الشعر كنـه ينطفـي يـوم أشبـه
لاجيت أبكتب هالشعـور وسميتـي


منصور الرويلى


مع ترانيم الموسيقى الحزينه وحب الام وآآآآآآآآآآآآآآآآآآهات الرحيل الى البارى عز وجل


نقول تغمدها الله بواسع رحمته

[حمدان الشمري]

اللهم أرحمها وعفو عنها وأدخلها الفردوس الاعلى من الجنه

أخوي الغالي والقدير منصور الرويلي


لقد أدميت قلبي بهذا الحزن المترامي هنا وهناك


أعلم أن فراق أعز أنسان في هذا الكون صعب وكانك بفراقه تتجرع المروتلتقط الجمر بكفك


ولكن يبقى الانسان المؤمن بقضاء الله وفدره راضيا" بما يقسمه الله عليه


وهذه سنة الله في خلقه فانا وانت وهي وكل أنسان سيموت في هذه الدنيا الفانيه

ويبقى عمله

أخوي الغالي منصور أتريد أن تبر أمك في قبرها ((أكثر الدعاء لها وتصدق عنها ))

فستفرحها وهي في قبرها وتجعلها سعيده وسترضاء عنك

..........

أخوي منصور الرويلي

لله درك

وصح الله لسانك رغم الحزن الذي ارسلته الى قلوبنا

وجدت بين حروفك الجمال الشعري الذي لا يستطيع قوله إلا منصور

أرتقيت بحزنك إلى قمة الابداع

اللهم أرحم أم منصور وأجعل قبرها روضتا" من رياض الجنه

اللهم عوضعا من هذه الدنيا الفانيه بجنةٍ عرضها السموات والارض

اللهم أمين

جل تقديري واحترامي لشخصك

ودمت بسعاده وصحه

أخوك حمدان

[مــــلاك]

رحمها الله واسكنها فسيح جناته


منصور الرويلي


رغم ماتحمله قصائدك من حزن


الا انها ممتعه ورائعه كما هي عادتك دائمـــــــا


لك سلامي وفائق احترامي ...

[المنسي]

رحمها الله واسكنها فسيح جنته

يكفي هذه القصائد روعه انها عن الام

انت رائع يامنصور

تحياتي ووتقديري

[غرياف]

رحم الله والدتك واطال الله في عمرك وعمر قصيدك

وكل غال ٍ يعز عليك


الشاعر الموقر
( منصور الرويلي )
.
.

شكراً على هذا النزف العاطر

دم بخير

[المرحبانية]

أخي القدير *(*منصور الرويلي*)*

وشاعرالكبير بقلبه قبل كلماته..

شكراً لك أخي الفاضل على الأبيات والكلمات...

وشكراً على هذه الرووووائع الحزينه..التي شاركتنا فيها بحزنها وحلاوتها..


رحمها الله واسكنها فسيح جناته..

دمت زاخراً