أسعد مساء ........ راعي الرنج

[سعد بن سبيل]

الله يسعد لك مساء راعي الرنج=ياللي تمقل في جمالك بعينك

رنجك جديد ٍ لنج وأنته بعد لنج=ومن حظي الثاوي وقفت بيمينك

أدعج غنج والموت بعيونك الغنج=وبمراية الشماسه تشوف زينك

يالج قلبي لج بنجتني بنج=وقزازة المطنوخ بيني وبينك

والله لو وزع بياضك على الزنج=غشاهم البياض موضي ٍ جبينك

أناأشهد إنك تشنج أهل الهوى شنج=والذنب ذنب اللي كذا سايبيك

لعبت فيني لعب حريف شطرنج=وأنا المدان أكيد ماأحد ٍ يدينك

لان الرصيف بخطوتك كنه سفنج=وقفت بك هايم من مشجعينك

[عبيدالله العرابي]

ياسلااام عليك يابن سبيّل ..

طربت لهذا النص وصفقت له كثيراً .. ليس لأن كاتبه سعد السبيل ولكن لأنه ذا رصانه ولغه شعريه أصيله وحرفنة شاعر لايختلف على تمكنه إثنان ..

لله درك ياسعد لله درك ..
أسعد الله أوقاتك أيها الجميل بكل خير ..
دمت للزاخر زاخراً بكل هذا التألق كما أنت الآن ..
تحياتي ياسعد

[سعد بن سبيل]

(( عبدالله العرابي ))

إسم أتفاءل بتواجده وأطرب لحروفه الصادقه

إستاذنا الفاضل

جعلك بالبقا يالوافي

تذوقك عزيزي لما أكتبه

هو رأس المال والأرباح

حقا قبضت كل ذلك كأش

الله يديمك على العز

وبالك رايق يالغالي

حفظك الله ورعاك

أخوك

أبوسبيل

[حمدان الشمري]

أخوي الغالي والمتألق سعد


لله درك


والله عليك ياسعد مدهش ورائع بشعرك

فصح الله لسانك مليووون


حروف ترتقي إلى الذائقه لا يكتبها إلا شاعر بحجم سعد

سجل إعجاب أخوك بما تخطه أناملك

صادق مودتي

ودمت متألقا"

أخوك حمدان