إعلانات التليفزيون لمين؟ يا بنى أدمين

[الضاحك الباكى]

قولولى يا بنى أدمين
الأعلانات دى لمين
فلل وقصور وما س
وأسعارها با لملايين
للأسرالفقيره اللى
فى اوض متكومين
ولا لغلابه دمعهم جارى
لقوت يومهم منتظرين
ولا لفقير قاعد يتفرج
مزهول ضايع حزين
قاعد يحلم بلقمه
تسكت جوعه الدفين
ولاعلاج لأمراضه
تسكن بجسده الأنين
حرام عليكم كده
حرام تكونوا مستفزين
نفسنا نشوف إعلانات
تخص الغلابه المحتاجين
إعلان عن سكن
رخيص للشباب المساكين
يكملم نص دينهم
ويعيشوا مره فرحانين
إعلان عن علاج
رخيص يداوى المرضانين
إعلان عن قلوب
تمسح دموع المجروحين
إعلان عن ناس
با ليتامى الغلابه متكفلين
نظره لأهل المحن
دول برضه بنى أدمين
خافوا من ربكم
ومن سهام المظلومين
فى يوم حتقفوا
قدامه أذله مسئولين
حتقلوله أيه ساعتها
يا ويلكم يوم الدين