توفت أمة فكتب قصــيـدة أبـكـت من لا يبكي!!!!!!!!!

[زهرة العشق]

شاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده هذي:


يواسيني وانا الميت وحالي يجبـر الدمعـات
تسيل من الذي فيني ويبكـي وهـو يواسينـي
وانا ابكي واتنهد وارسـم بالحـزن لوحـات
يجبروني عشان امشي ورجلي مـا تمشينـي
قتلت رعايتي بيدي قتلت الحـب والرحمـات
حرمت النفس من حقها وانا ابكيهـا وتبكينـي
وكنه حلم قدامـي يقيدنـي مـن الصرخـات
ابي اصحى ولكني عجزت القى ال يصحينـي
فداك القلب يايمه ومهما قلـت مـن كلمـات
صغيره في كبر حقك بس اتمنـى تعذرينـي
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فينـي
تجول عيونهم فيني تفصـل منـي قياسـات
وتشيح وجوههم عني وكنـي غيـرت دينـي
يظنوا حزنهم اكبر وهم اصحـاب هالمأسـاة
وانا اتحدى اذا فيهم ربع مـا يحتـرق فينـي
نقص قدري بعد موتك وغابت نشوة اللـذات
وصـار الهـم عكـازي اباكيـه ويباكينـي
عطيتيني بدون حساب ولا سمعتك تقولي هات
وانا اشرب حيل من دمك ودمك مـا يكفينـي
يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي
يايمه ما تحملهم يقولوا فـات مـا قـد مـات
تعالي غيري هالقول واطيعك باقـي سنينـي
واترك عادة التدخين وانفذ ما تبـي بسكـات
واصلي الفجر في المسجد قبل منتي تصحينـي
يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي
وضميني وداويني مثل مـا كانـت الهقـوات
ما ابي احدن يواسيني ابيـك انتـي تواسينـي
دخيلك بس لا تبكي اذا شفتي بـي الدمعـات
انـا مقـوى ابكيـك اذا انـتـي تبكيـنـي



أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله ...... وفقني الله واياكم لما يحب ويرضى ولا تنسوني من خالص الدعاء...

منقول


تحياتي:
زهرة العشق

[رهيف الأحساس]

قصة مؤلمة لذلك الشاب ... ولعلها اعطتة درس وموعضة

لنا ينساها ابدا الدهر لأنة كان بطلها الذي خسر اغلى مايملك


ولكن ......... ولكن ..... لا ننسى القدر المحتوم

وانة كان قدرها ويومها الذي اراد الله ان ينزع روحها


مشكور على القصة واتمنى يتعض منها الشباب

حتى ولو امهاتهم لم يصطحبونهم

[زهرة العشق]

السلام عليكم

رهيف مشكورة للرد .

رهيف هذه كانت قصيدة اكثر مما هي قصه

وغير كذا مهما كان الانسان متهور مستحيل يتهور وأمة معه ولكن القدر المحتوم الذي كان ليلتها

وغير ذلك انه فقدها امام عينيه فهذا مؤلم...والمؤالم اكثر من كذا نظرة الناس من حوله له بانه هو قاتلها وهي كانت حادثه

تعرفي يا رهيف

ان هالقصيدة بكت عيون لم تبكي واثرت بي لدرجه لا تتخيلينها


يجبروني عشان امشي ورجلي ما تمشيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني


شوفي قوة هالابيات
والله انها مو بس مؤثره هي موجعة اكثر
كل بيت يوجع اكثر من الي قبله
وكل كلمة كنها خنجر بيخرج من المطعون




علي العموم اختي حبيت اشكرلك هالرد .واقولك ان دايم اول انسان يرد ما يتنسى ويبقى اسمه محفور بالذاكرة

اختك:
زهرة العشق

[جود شمر]

الله يرحمها ويصبر ولدها

قصيده محزنه جداً ومؤلمه كثيرررراً........

عضه وعبره له ولغيره من الشباااب الطاايش.......

الله يعطيك الف عافيه على نقل القصيده لعل كلماتها

ومابها من الم وحسره تصيب قلب ميت ويتعض

ويترك الطيش ويبر بوالدية ......جزاك الله الف خييير ...

والله يرحم موتانا وموتى المسلمين والله يجمع الشاب مع امه

بالجنة بأذن الله كما قلتي عليه بالدعاء لان البكاء والحزن

لا يرجع شيء ولا ينفع والدته بالاخره بينما الدعاء خيير لها


جزاك الله الف خير اولا واخيراً ..........الف شكر .......


دمتم بالف خييير

[مــــلاك]

الله يرحمها ويرحم اموات المسلمين

فعلا ... مرثيه توجع القلب

مشكورة اختي ولا هنتي

دمتِ بود ...

[زهرة العشق]

جود شمر

ملاك العتيبي


قد انار مروركم الكريم صفحتي


تحياتي لكم

زهرة العشق