كايد الكايد
08-29-2005, 09:47 AM
هذه قصيدة رثائية معبرة للشاعر الكبير / احمد الناصر في وفاة إبنه :
نهار ثالث عقـب عيـد رمضانـي = ناس(ن) عطاها الله وناس محرومه
احد(ن) قضا عيده سـلام وتهانـي = واحد(ن) توصله الكواكب همومـه
صادفت صدفه من صدوف الزماني= منها قوي الحيـل تفتـر عزومـه
هـذا زمـان الهـم والامتحـانـي= وقت(ن) على قلبي تعاقب سهومـه
الاولـه كامـل جميـع المعـانـي= مزبن المضيوم شـرع الخصومـه
محمد اللـي فـي القسـا والليانـي = عقبه سمايه غايبـات(ن) نجومـه
والثانيـه باقـرب قريب(ن)ودانـي= خامس عيالي يوم جتنـي علومـه
قالوا مابيـن الخاصـره واحلبانـي= ولدك مـات اللـي ترجـا قدومـه
جا يومه الموعـود باربـع ثوانـي= قلت السبب قالوا دنـا منـه يومـه
علم(ن) على الكبدالصخيفه كوانـي= كيت عطـب ماتنشكـى للحكومـه
تهشمت كـل الضلـوع المحانـي= مفجوع والمفجوع محد(ن) يلومـه
اخذت لي ساعه وانا فـي مكانـي =حسبت لى عشرين طيحه وقومـه
الى بغيت الهـرج يبـس لسانـي =والذاكره عنـدي تقـول أمعدومـه
قمـت اتلفـت واتسمـع بـأذانـي =من شـاف حالـي ماتهنـا بنومـه
مما بقلبـي رحـت بالليـل عانـي =للموتر اللـي مابقـى الا رسومـه
عن روحتي ياليـت ربـي نهانـي =ولاشفت دمه سايحن فـي هدومـه
قمـت ودفنتـه والله المستعـانـي =في خرقت(ن) بيضاء عليه محزومه
يـم القويعيـه بـلاد اقحطـانـي =والحر غير لون وجهـي سمومـه
واقفيت من عنده وعشـري ثمانـي =مثل المصبـح والبـلاد امحكومـه
طاوعت نفسي مير عقلـي قوانـي = عن الخطأ مافيه نفس امعصومـه
نهار ثالث عقـب عيـد رمضانـي = ناس(ن) عطاها الله وناس محرومه
احد(ن) قضا عيده سـلام وتهانـي = واحد(ن) توصله الكواكب همومـه
صادفت صدفه من صدوف الزماني= منها قوي الحيـل تفتـر عزومـه
هـذا زمـان الهـم والامتحـانـي= وقت(ن) على قلبي تعاقب سهومـه
الاولـه كامـل جميـع المعـانـي= مزبن المضيوم شـرع الخصومـه
محمد اللـي فـي القسـا والليانـي = عقبه سمايه غايبـات(ن) نجومـه
والثانيـه باقـرب قريب(ن)ودانـي= خامس عيالي يوم جتنـي علومـه
قالوا مابيـن الخاصـره واحلبانـي= ولدك مـات اللـي ترجـا قدومـه
جا يومه الموعـود باربـع ثوانـي= قلت السبب قالوا دنـا منـه يومـه
علم(ن) على الكبدالصخيفه كوانـي= كيت عطـب ماتنشكـى للحكومـه
تهشمت كـل الضلـوع المحانـي= مفجوع والمفجوع محد(ن) يلومـه
اخذت لي ساعه وانا فـي مكانـي =حسبت لى عشرين طيحه وقومـه
الى بغيت الهـرج يبـس لسانـي =والذاكره عنـدي تقـول أمعدومـه
قمـت اتلفـت واتسمـع بـأذانـي =من شـاف حالـي ماتهنـا بنومـه
مما بقلبـي رحـت بالليـل عانـي =للموتر اللـي مابقـى الا رسومـه
عن روحتي ياليـت ربـي نهانـي =ولاشفت دمه سايحن فـي هدومـه
قمـت ودفنتـه والله المستعـانـي =في خرقت(ن) بيضاء عليه محزومه
يـم القويعيـه بـلاد اقحطـانـي =والحر غير لون وجهـي سمومـه
واقفيت من عنده وعشـري ثمانـي =مثل المصبـح والبـلاد امحكومـه
طاوعت نفسي مير عقلـي قوانـي = عن الخطأ مافيه نفس امعصومـه