مقتطفات من قصائد البرازي ...

[محمد البرازي]

أطلاله جديدة بمتصفح الزاخر يشرفني ويسعدني أن يكون صوت الشاعر : محمد بن فهاد البرازي هنا ..
معكم من خلال بعض قصائده التي أتمنى تروق لكم أخواني متصفحي الزاخر الادبيه ..
أترك لكم بعض قصائد الشاعر ولي عودة مع بعض النقاط لهذا الشاعر الكبير الذي لقب بفترة من الفترات " شاعر الحفر الأول

[محمد البرازي]

يعيبوني اصحاب الرخاء ما لقوا عذروب
لى ظن من يحجب سنا الشمس برقبته
جهاجيل قوم(ن) لو تعد العيوب عيوب
تخطريت كل(ن) بأسم جده وعذربته
أنا يا ضعيفين المعاني وطن ودروب
على الكود كم ليلٍ سريته وشيبته
تهز الرياح الهوج قلبي على النبنوب
تطير الضلوع وسبّق الطيب قاضبته
وان كان بطرد المها شق جيب وثوب
ترا ماني اول من رما الريم واذهبته
تتوب الليالي وان بغت لا تتوب اتوب
انا في ذرى الله وش ورى الذنب لا تبته
سريت الغداري لاجل عاشق وله محبوب
هكا الوقت لو عادت لياله عاتبته

[محمد البرازي]

شاقني مزن تحدر من القبلـه بـرق
في محيره ترتع النوق زينات الطروق
ساقته صلف الهبايب ورعاده طـرق
لين هز من الحشا كل مايكما الخفوق
غارق ببحورغيي وغيري من غـرق
والمحبه تجرح القلب وتمس معلـوق
راعي خديد ليا بـان المدلـع شـرق
حل في ظلماي نور ومصابيح وشروق
سارق قلبي وهو يقسم انـه ماسـرق
وأقسم انه ماسرقني مثل زينه سروق
يوم زل الوسم الاول ومرباعي زرق
مابقى الا الوجـد وتعاليـل البـروق
شاقني مزن تحدر من القبلـه بـرق
واقف واخيل نوه وانا أظنه صـدوق

[محمد البرازي]

ابنعـزل عـن جملـة النـاس واروح
يمديني اطلـع عـن غبـار المدينـه
يمديني اطلع وارقب الرجـم وانـوح
ممـا بعينـي عبـرة(ن) مستكيـنـه
جاوبت تغريد القميري علـى الـدوح
والدوح غصنن يابس(ن) مـن سنينـه
يا قلب ياللي طـول الايـام مجـروح
طـاف القطـار وفاتتـك السفيـنـه
يافوح كبدي فوح فوح(ن) على فـوح
فـوح الـدلال المكرمـات الثميـنـه
تناوشنـي وابعدنـي عـن الـشـوح
سمـر الليالـي والعـدود الضنيـنـه
لو ان لي حمرا(ن) من الهجن سرسوح
الحـره اللـي كـن فيـهـا مكيـنـه
كان استرحت وشايف درب مصلـوح
بيـض السهـال ولا مقـام الغبيـنـه
اليا عطت مع خايع(ن) خالي(ن)سوح
مثل الرعـد يبـرق وتسمـع رطينـه
اليا انثنت مثل السحابـه لهـا ضـوح
والا الطمـوح اللـى تحـرى جنينـه
ماودي اجرح خاطر(ن) ضامه البـوح
حزين واثر فـي الصـدور الحزينـه

[محمد البرازي]

لي عودة مع الكثير من قصائد محمد الفهاد ..
اتمنى تروق لكم هذه القصائد .
لي عودة زوار متصفح الزأخر الادبيه .
,

[محايلية عسيرية]

قصائد رائعة

لكن هل له ديوان شعري

[محمد البرازي]

قصائد رائعة
لكن هلله ديوان شعر
للأسف أختي عسيريه ليس له ديوان ..
شكر لمرور .

[محمد البرازي]

جرح الهوى جرح خطير وذباح
تبقى علاماته على القلب والروح
له بالحشاء عندي زمانين ماراح
عيا يطيب وبلش العين بالنوح
يالله لا تجزا هل الحسد بنصاح
وراع الحسد جعله طريحا ومفضوح
كسبت من طرد الهوى ظيم وجراح
حصيلتي ونه على غير مصلوح
وجدي على من له بالاعماق مسراح
وجود رملن دمعها فايحن فوح
شافت ولدها ركزوا فيه الارماح
خمس غرزنبه طاح والدم سافوح
وقامت تعيط وترفع الصوت بصياح
تستنجد الشجعان والصدر مفتوح
وتفاقعوا كلن يبا كسب الامداح
في ساعتن لقطع الارقاب مسموح
يوم انجلاء عج المغيرات وانزاح
اضحى ولدها بطرف النزل مذبوح
ياقل سالمها وياكثر من راح
موقف قشر ماهو تلاعيب ومزوح
علىالذي حبه نبت نبت فلاح
فالقلب مالاعه سمومن ولافوح
ارجيه لو دونه مقاريد وشحاح
رجوا هل الطوفان لمرافقة نوح
مانساه لو ينقل جبل طي لرماح
ولاتشال طويق لجبال راموح
عقبه طريح ولاتهنيت بمراح
غابت عن عيوني مسرات وافراح
متاي ابكسب غاية القلب وارتاح
واحط في عيون الحواسيد ذرنوح

[محايلية عسيرية]

جرح الهوى جرح خطير وذباح

تبقى علاماته على القلب والروح

شعر روعة يبقى علاماته على القلب

انتظر جديدك