مشاهدة النسخة كاملة : كل عضو شاعر يرد على العضو الشاعر الي قبله.....))
المستحيله
07-25-2005, 06:47 PM
السلام عليكم ورحمة الله وبركاته....
خطرة على بالي موضوع اتنمى انه ينال اعجابكم
الموضوع قصير ماراح اطول عليكم.......
ان كل عضو شاعر يكتب بيتين او قصيده والعضو الثاني يرد عليه
او انه يكتب بيتين يقصد فيها عضو معين والعضو المقصود يرد عليه...
او اي شئ تحبون بس يكون فيه رد من عضو شاعر....
وســــــــلامتــــكم
نواف علي
07-25-2005, 08:22 PM
المستحيلة .
وعليكم السلام ورحمة الله وبركاته .
أشكرك على هذا الطرح .
لكن بصراحة ما فهمت عليك .
يعني ما فهمت وش الرد إللي تقصدينه .
أختي في قسم المحاورة والمساجلات يوجد رد .
وهو في نظري من أكثر الأقسام فعالية .
أرجو التوضيح . ولي عودة معكم
تقبلوا فائق إحترامي .
مطر الجرواني
07-26-2005, 08:11 AM
وعليكم السلام ورحمة الله وبركاته
هلا فيك اختي الرائعة
المستحيلة
كل الشكر لكِ ولمجهوداتك....
وانا فهمت الفكرة........
اكتب بيتين او اكثر والشاعر اللي بعدك يرد عليك بنفس القافية وبنفس البحر...
وهكذا تستمر...
طبعا ً مثلا ً انا لي البداية الشاعر اللي بعدي يرد بنفس القافية وبنفس البحر.
وعلى الشاعر الثالث اختيار ما يشاء من قافية وبحر...
وهكذا نستمر جميعا ً وعلى الخير نلتقي
لي البداية
وان شاءالله تعجبكم
واعذروني لتقصيري...
والله يالزاخـــــــر مكانك رفيعي=معزتك بين الحنايا مكانه
أنا ارتويتك صمت وجيتك مطيعي=قدرك رفيع ولا نزلت بطمانه
رجال وعذارى فيك دايم جميعي=وانت الامان اللي شربنا حنانه
ويا /المستحيلة/جاك حرفي سريعي=لبيت للفكرة بصدق وامانه
المطر
اللي بعدي يكمل من بيتين واكثر وهكذا...
الى أن نلتقي
لكم الود والورد
المطر
حسين الأسلمي
07-26-2005, 08:43 AM
سال (المطر) ،، والجدب أصبح ربيعي=يسبق كما اللي مطلقينن عنانه
يانفس في سوق المحبين بيعي=للزاخر الزاخر وصيري ثمانه
طبعي .. سوا كنت أسلمي أو منيعي=موتن بعز ولا نعيش بمهانه
أعتذر عن المداخله
لكن
حبيت أشارك على استحياء
كايد الكايد
07-26-2005, 01:05 PM
فكره مجنونه :)
لي عوده
ويعطيك العافية . . يالمستحيلة
وصح لسان الشعراء . . مطر وحسين
تحياتي
كايد الكايد
07-30-2005, 12:26 PM
رد الرساله يابعد كل مملوح - لو بس تكتب حرف يابعد روحي
طبعاً المطلوب مجاراة البيت . .
تحياتي
نواف علي
07-30-2005, 08:39 PM
زاد الجفاء والبعد ما منه مصلوح .. مدري وش اللي يعجبك في جروحي ؟
تحياتي .
المستحيله
08-03-2005, 07:54 PM
نواف مطر حسين كايد
يعطيكم العافيه على المشاركه ......
كايد الكايد
08-04-2005, 09:13 AM
ياليل ياليل العتب والمشاريه = اشره على احبابي واعاتب زماني
نواف علي
08-08-2005, 05:11 PM
أخ كايد .. أسعد دائماً بمجاراتك .
ويا صبح بين وش زماني مخفيه .. ليه الزمن في بحر همه رماني .
تحياتي .
عساف الشمري
08-15-2005, 06:05 PM
فكره رائعه
يسلموو المستحيله
وانا من عندي
عقب الحمى صرنا على الشعر نعتاش
وعقب المخالب اكلنا صار تنقيش
عقب الغضاري اكلنا صار بغراش
وكلابنا صارت ذيابٍ مطانيش
اقفى زمن من يفرق الجمع لاشاش
واقفى زمن هيشان مع موتة شويش
.
اخوكم
و..هم
المستحيله
08-27-2005, 10:46 PM
عساف الشمري الله يسلمك ويكول بـ عمرك
عقب الحمى صرنا على الشعر نعتاش
وعقب المخالب اكلنا صار تنقيش
والله ابدااااااااع
حارب محمد
10-18-2005, 01:07 PM
من عقب ما هو سيف اليوم رشاش = وتلقى الرجال اليوم تنخش تخشيش
من دون سيف ورمح الكون ما عاش = واليوم أولها شيش وآخرها حشيش
انور الرويلي
11-02-2005, 04:09 PM
مــوضــوع حــلووو وشكــرا اختــي المستحيله ...
وبعــد اذن اخوي حــارب ودي اشاركه بالرد على البيتين ..
عــوعن عــلى دنيــا بها الشيخ غشاش = والمـرجـله صارت ورق للخرابيش
هذا زمن (طقعان ) (وغــدان) وخراش = روّح زمن من يشلعون الطرابيش
روّح زمان السيف وجبنــاك ياكلاش = مــار الزمن عيــى يجيب الخراطيش
حارب محمد
11-02-2005, 04:33 PM
في البدايه أشكر أخي أنور على الرد الجميل
وأقول
أسمعك يا أنور تقول الشيخ غشاش = وأقول أنا هذي ترا دنيا التٌطنيش
اللي سكن فيها مثل طاش ما طاش = وآنا بها والله ترا مقدر أعيش
والمعذره
المستحيله
11-05-2005, 05:49 AM
انور الرويلي العفوووو اخوي وانشاءالله تستمتع...........
انور الرويلي
11-06-2005, 08:10 AM
لــكــمـ هالابيــات ان شــاء الله تعجبكم ...
وتلــقــى اللي يرد عليــها
(العــربي الفصيـــح) = (العــــامــيـ )
قم تلوا في فراش القمقمي = لين يظحيك النهار بصوت ضوه
لَيِت ليِ من ُقربِهم دفقُ الدميِ = وانت دمك لو دفقني زدت لوه
حارب محمد
11-07-2005, 12:10 PM
(العربي الفصيح) = (العاميـ)
إن لم تُصبك رماح قلبي وأسهُمي = روح عني وإللي في الراس سوٌه
هذا الفراقُ يا من منك تظلٌمي = وروح مادام جرحي بدى توٌه
شكراً أخي أنور
ابو شمس
01-18-2006, 06:51 PM
السلام عليكم هذه من اول مشاركاتي ارجو تعجبكم :
من عاش عيشة الحر قد عاش ** ومن عاش عيشة النذل ماهو بعايش
من تاهت خطوته في دنيا الطناش ** ابد ما يقدر يعيش في دنيا الطواهش