حمود العباج
10-25-2004, 01:21 AM
احبتي
اليكم هذه المصافحة الاولى ...
اتمنى تعجبكم ....
وش خذيت من الليالي وش خذيت=يوم مرتني مثـل لمـح البصـر
ودي الليلـة تطـول ولا قـويـت=مقتلتـنـي ولا مــات الفـجـر
كني البارح وصلـت ولا وفيـت=ولا جلسـت ولا تمتعـت بنظـر
قلت باكـر قـال باكـر مانسيـت=ودع احبابك تـرا عنـدك سفـر
قلـت ياباكـر إذا نحـت وبكيـت=والضلوع اللـي حنايـا تنكسـر
وإن عطيتك من خيالـك مابغيـت=وإن وقيتك من مداهيـل الخطـر
وإن رسمتك ضحكةٍ في كل بيـت=وإن زرعتك في خطاويهم زهـر
لا تجي باكر وقل عفـواً سهيـت=باقياً عن رحلـة الجمعـة دهـر
لأجل أعيش بحضنها حيٍ وميـت=والحكي بانفاسنا صمـت وستـر
وإن خذاني صوتها الدافي غفيـت=ما يصحيني سوى نشـوة عطـر
رقـةٍ فـي خدهـا لا مـا لقيـت=والخلايق بعدهـا بـدو وحضـر
والشعر له غـرةٍ منهـا اكتويـت=لحجبت رمشٍ على العاشق خطـر
والنهود اللي زمت منها وزميـت=واقفه في عـزةٍ وسـط الصـدر
والثنايا تبتسـم لـو مـا حكيـت=وقبلةٍ فـي خشمهـا زان النحـر
والخصر والردف مثل اللي رجيت=وكل مافيهـا يقـول إنـه سحـر
طفلتـي ياطفلتـي ادري قسيـت=ماقدرت اعتـق شفايفـك الحمـر
الحلا كلـه معـك عمـري لقيـت=والعـذارى مالهـا غيـر القهـر
طالبك باكـر اليـا منـي نسيـت=لا تذكرنـي بموتـي والسـفـر
المفـارق يقتـل ايـام اهتنيـت=والوداع أصعب من احضان القبـر
اه أنا ضامـي ولا منـي رويـت=قلت باكـر مابقـى فينـي عمـر
احتـرق مـرة ومـراتٍ طفيـت=الله أقـوى مـن مقاديـر البشـر
ابشري سـود الليالـي مانويـت=انهي العشـره وابـدل بالسهـر
وش خذيت من الليالي وش عطيت=سكـرةٍ مـرة يزاحمهـا الفكـر
لو لبست أيـام وأيـام اعتريـت=ما لقيت أشيك من ثيـاب الصبـر
حمود العباج
اليكم هذه المصافحة الاولى ...
اتمنى تعجبكم ....
وش خذيت من الليالي وش خذيت=يوم مرتني مثـل لمـح البصـر
ودي الليلـة تطـول ولا قـويـت=مقتلتـنـي ولا مــات الفـجـر
كني البارح وصلـت ولا وفيـت=ولا جلسـت ولا تمتعـت بنظـر
قلت باكـر قـال باكـر مانسيـت=ودع احبابك تـرا عنـدك سفـر
قلـت ياباكـر إذا نحـت وبكيـت=والضلوع اللـي حنايـا تنكسـر
وإن عطيتك من خيالـك مابغيـت=وإن وقيتك من مداهيـل الخطـر
وإن رسمتك ضحكةٍ في كل بيـت=وإن زرعتك في خطاويهم زهـر
لا تجي باكر وقل عفـواً سهيـت=باقياً عن رحلـة الجمعـة دهـر
لأجل أعيش بحضنها حيٍ وميـت=والحكي بانفاسنا صمـت وستـر
وإن خذاني صوتها الدافي غفيـت=ما يصحيني سوى نشـوة عطـر
رقـةٍ فـي خدهـا لا مـا لقيـت=والخلايق بعدهـا بـدو وحضـر
والشعر له غـرةٍ منهـا اكتويـت=لحجبت رمشٍ على العاشق خطـر
والنهود اللي زمت منها وزميـت=واقفه في عـزةٍ وسـط الصـدر
والثنايا تبتسـم لـو مـا حكيـت=وقبلةٍ فـي خشمهـا زان النحـر
والخصر والردف مثل اللي رجيت=وكل مافيهـا يقـول إنـه سحـر
طفلتـي ياطفلتـي ادري قسيـت=ماقدرت اعتـق شفايفـك الحمـر
الحلا كلـه معـك عمـري لقيـت=والعـذارى مالهـا غيـر القهـر
طالبك باكـر اليـا منـي نسيـت=لا تذكرنـي بموتـي والسـفـر
المفـارق يقتـل ايـام اهتنيـت=والوداع أصعب من احضان القبـر
اه أنا ضامـي ولا منـي رويـت=قلت باكـر مابقـى فينـي عمـر
احتـرق مـرة ومـراتٍ طفيـت=الله أقـوى مـن مقاديـر البشـر
ابشري سـود الليالـي مانويـت=انهي العشـره وابـدل بالسهـر
وش خذيت من الليالي وش عطيت=سكـرةٍ مـرة يزاحمهـا الفكـر
لو لبست أيـام وأيـام اعتريـت=ما لقيت أشيك من ثيـاب الصبـر
حمود العباج