مشاهدة النسخة كاملة : طلبات الحريم
حايره
10-24-2004, 09:55 PM
بدون زعل :d
الالف :ابي فلوس بروح معزومة على شاى ضحى
الباء :بكرا ابيك تودين لبيت اهلي عندهم عزيمة
التاء :ترى اليوم انا ماني مسويه عشاء روح للمطعم جيب عشاء
الثاء :ثلاث اسابيع ما طلعنا للملاهي يالله ودنا اليوم
الجيم :جيب خدامه تساعدني بشغل البيت.........(والبيت نص شقة) قهر
الحاء :حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)
الخاء :خل الشله اليوم..انا عازمتك نتعشى بره, بس على حسابك
الدال :دور لنا فله على 3 شوارع وفيها سرداب (الراتب 2500 ريال من وين ياحسرة)
الذال :ذيك السنة (قبل 10 سنوات) قلت لك اشتر لنا سيارة فان اوسع وما شريت
الراء :روح قدم على اجازة خلنا نسافر لاوروبا ,,اووف حر
الزاء :زيد مصروف البيت هذا ما يكفي اغراض البيت (ومعظم البيزات عليها وعلى خرابيطها)
السين :سجاد البيت صار قديم ....غيره يا اخي (السجاد ما كمل له سنتين)
الشين :شيل ولدك شفه يصيح هناك,انا تعبت من العيال..
الصاد :صفف الملابس هناك منثرة,مليت وانا القط وراك
الضاد :ضبط اوضاعك..ترى كبرت المسؤولية..(توها والدة)
الطاء :طالع السيارة سكراب تفشل قديمة, نبي شبح
الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)
العين :عيوني..اليوم شفت فستان عند زوجة اخوي يجنن...خاطري بواحد مثله
الغين :غير يا اخي اسلوبك معاي...كله برود
الفاء :فديتك حبيبي وين تبينا نسافر هالصيف؟
القاف :قدر يا اخي شوي...كل شغل البيت على راسي...تكرم وساعدني شوي
الكاف :كفاية ملينا من هالبيت متى راح تسوى لنا بيت اكبر من هذا
اللام :ليمتى بنتم محبوسني في هالبيت لا نطلع مثل الخلق ولا غيره
الميم :متى بتوديني لبنان مثل ما وعدتني قبل؟؟؟؟
النون :نبى نحجز شاليه شرم الشيخ طول الصيف ..لا تنسى!
الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟
الواو :ورني شطارتك رح عند اخوك خذ منه الورث( راعية مشاكل)
الياء :يالله ايدك على 2000 ريال رضاوة..لانك زعلتني وكسرت خاطري
أم حمد
10-24-2004, 10:30 PM
^____________^
مشاركه حلووووه ...
صدقتي أختي حايره ... بس مب كل الحريم جي ...
مشكوره حبيبتي على الموضوع الطريف ...
مطر الجرواني
10-24-2004, 10:59 PM
ياكثر طلباتكم
ههههههههههههههههههههههههههههههههههههههههه
الله يعين
بس ترى مو كلهم لاتظلمينهم حايره
حرام
شكرا ً اختي على المشاركه
اخيك
محمد العيسى
10-25-2004, 02:53 AM
حايره
كنت افكر بالزواج
وهالحين أنا
ضد الفكره هذي
الف شكر اختي
على الموضوع
الرائع
دمتي بالف خير
حايره
10-25-2004, 09:57 PM
شكرا لكم على مروركم
صح مش كل الحريم جي
بس الاغلبيه لها نفس الطلبات
حايره
10-25-2004, 09:58 PM
محمد العيسى
لييييش اتهون
لا تخاف مش كلهن جي
ما ابي اكون السبب في عزوبيتك
حنــان البــــدر
10-26-2004, 01:01 AM
ههههههههههههههههههههههههههههههه
كذا صرتي ضد الحريم
بتخلي الرجال يشتمو
هههه
المهم تسلمي
هههههههههههه
حايره فضحتينا الله يهديك !!
مشكوووووووووره اختي
حايره
10-26-2004, 09:18 PM
أختي حنان البدر
انا مش ضد الحريم
بلعكس انا معاهن في كل شى
ما عادي الاسراف
حايره
10-26-2004, 09:19 PM
مشكوره نوض على ردج
هههههههههه
لاحرام عليج
مش كل الحريم جي
خلاص انسوا السالفه
اقووولكم
الحريم ماشى احسن عنهن
كلهن ادب ورقه وذوق واحترام
ومابتلقوا احسن عنهن
الحريم مالهن مثيل
إذا احترمتوهن راح يحطوكم في عيونهن
(( وراء كل رجل عظيم امرأة ))
محمد العيسى
10-28-2004, 02:58 AM
يعني
اجل ارجع عن رايي
واتزوج
حايره انتي طلعتي خفاياهن
وبعدين مدحتيهن
عشانك باقول
النساء
النساء مثل المطر لاصار ديم "=" لاثرا بعد المحل عدة سنين
فيه يثمر عرق يابس من قديم "=" بمر ربٍ اعتلا بعرشٍ مكين
والنساء لنا النسا بمر الكريم "=" مثل غيثن به بدا الوسمي يبين
كلنا فد الهن لوهن حريم "=" أم واخت وبنت لا مانستهين
كلنا فدالهن والله العظيم "=" لاعتزن نقوم وباالله نستعين
محمد العيسى
أم أحمد
10-28-2004, 03:12 AM
ليش يا حايره لازم ماتكونين ضد بنات جنسك
كذا الرجال تفرح وتتشمت فينا
لكن الله يهدى هذا الصنف من النساء
شكراااااااااااااا
محمد العيسى
10-28-2004, 03:27 AM
لالالالالالالالالا
مستحيل يكون الرد
هذه من أريج
مستحيل
ليتها ماجات منك ياريج 0000 جد بحقك اعتبرها معضله
المرحبانية
10-28-2004, 04:22 AM
الله يهديج أختي حايره ما لقيتي غير الحريم
تفشلينهن .. ترى هب كل حريم جي
ناس بيتعقدون من السالفه ههههههه
أقوولكم يا الريايل هب كلهن جي..صدقوني..
محمد العيسى
10-28-2004, 05:00 AM
ياكريمه كل دأن له دوا "=" الا سقم النفس ياصعب مرضه
احدٍ(ن) سقم النفس في ذاته طوا "=" واحد(ن)صاح بصوت عالي ورفضه
دام صباع يديك ماصارن سوا "=" كيف ترين البشر مثل بعضه
وأنا معكم
ضد حايره
تصدقون
اني كنت افكر بالزواج
وهالحين
صرفت نظر
عنه
كله من حايره
العنقاء
10-28-2004, 05:27 PM
صح السانك يا محمد العيسى
بس لا لا شو هالكلام
ليش تصرف النظر
واتغير رايك
ياخي عيش حياتك
والله يوفقك وتاخذ لك العروس اللي........
كاتبة عنها حايره
هههههههههههه
لا لا ان شا الله تاخذ لك وحدة كلها ذوق وادب واحترام وقد المسؤولية
قول امييييييييين
تسلمين يا الغالية حايره
عالموضوع الغاوي
محمد العيسى
10-28-2004, 07:55 PM
امييييييييييييييييييييييييييييييييييييين
من بئك الباب السماء ياالعنقاء
حايره
10-28-2004, 08:30 PM
حرااااااااااااام عليكم
لييييييييييش كلكم ضدي
خلاص انسو الموضوع
محمد العيسى لييييش اتهون
قتلك مش كل الحريم
انا ما جمعتهن كلهن
ما ابي اكون السبب في عزوبيتك يا محمد
ولا تنسون اني بنت
إللي عليكن عليه
محمد العيسى
10-28-2004, 08:42 PM
ولا يهمك اختي
حايره
أنا معك ماني ضدك
ايه خلني اوهقها
لين تجي من اقصاها
ويكفخنها
اللي تشد شعرها
واللي تعطيها شلاليت
واللي طراقات
ياحبي لشر
حايره
10-28-2004, 08:47 PM
اعرف انك شرير
وتحب الضرابه
بس مسموح يا أخ محمد
اجي منك اكثر
كلهم يحبوني وما يضربوني صح ( لا تردوني )
خخخخخخ
محمد العيسى
10-28-2004, 09:12 PM
هين الوعد قدام
ماشفتيهن وهن متجمعات
وبتول معا عصا المكنسه
ونوض
معها سلك كهرب
والعنقاء معها ملعقه كبيره
وأم حمد معها درزن بيالات
وملاك معها سكين
واريج معها طبق بيض
وغرياف معها غلايه
وحنان تقول بسرعه
لازم ننجز بسرعه
مادري يبنك
أو يبن يسون فطور
أنا اتخيل انهن ناوياتك
حايره
10-28-2004, 09:17 PM
لا لييييييييش
حرااااااااااااام
خلاص انا بشرد
بخش عمري تحت السرير
لا تخبرهم يا محمد
يا وييييييييلك اذا خبرتهم
بذبحك
هههههههه
محمد العيسى
10-28-2004, 09:26 PM
حايره
تحت السرير
يلقونك
بس في غرفت الدرج
خليت المفتاح بالباب
خلك فيها لين ربك يفرجها
ويهدون
وابشري باجيب
لك مويه واكل
بس شاي وقهوه
ماقدر اجيب
لانه عند نوض ونوض
ذكيه
اخاف تكشف الامر واروح
أنا وياك فيها
حايره
10-28-2004, 09:30 PM
امرك وهدايت الله
خلاص اخش عمري في كبت
اقووول لا تنسى اتيب علكه معاك ومجلات
محمد العيسى
10-28-2004, 09:38 PM
ابشري
باجيب علك ومجلات
وتوفي بعد
وفريش
وكوكتيل
بس انتبهي
على نفسك
حايره
10-28-2004, 09:40 PM
اخاف اختنق
واموت وبعدني في شبابي
مشكووور يا أخ محمد وما قصرت
محمد العيسى
10-28-2004, 09:51 PM
بعيد اشر
يموت عدوك
خلي الباب مفتوح ون جاء احد قفليه
لين اجي
بس في مشكله
بتول
مكبره راس مطر
وهالحين يراقب
الصالحهن انتبهي
منه
يعني صار
مخبر مع الاسف
مشاعـل التركـي
10-28-2004, 10:06 PM
يابنات محمد العيسى يدعي عليكم يقول
انشالله الموت يجي عدوينك يالحايره
<<<<<<<<<<< انتم اعداء الحايره
يلا ابدو فمحمد قبل الحايره
محمد الله يسلط على الظالم اللي اظلم منه
هههههههههههههههههه
جووود
محمد العيسى
10-28-2004, 11:33 PM
لاوالله طحت ولاسميت يامحمد
جود افااااااااا
أنا وحايره
نقول جود معنى
لاتصدقونها
أنا
ماقلت عدواتك
قلت عدوينك
الله حسيبي عليها جود 000 معاكم تبغا تورطني
ياشريره
جود اقصري الشر
مشاعـل التركـي
10-29-2004, 03:56 AM
محمد واذا قلت مو قاصره الشر الا لين
تخطب وتعزمنا على الخطوبه والزواج وباسرع وقت
وشقلت بسرعه ؟؟؟؟؟؟؟؟؟؟
اختك جووود
محمد العيسى
10-29-2004, 04:41 AM
جود
أنا موكلك
على الموضوع هذه
موافق موافق موافق
بس اقصري الشر
المرحبانية
10-29-2004, 04:17 PM
خخخخخخخخخ
مبروووووووووووك محمد مقدما
لا تنسى تعزمنا
محمد العيسى
11-01-2004, 03:26 AM
الله يبارك فيك
وانتي اول
المعازيم
محمد العيسى
11-01-2004, 03:27 AM
الله يبارك فيك
وانتي اول
وأول كرت خاص يطبع بسمك