مدرسة المشاغبين في المنتدى الكل يدخل ويحجز دوره بســـرعه

[ضـــــاري]

مدرسة المشاغبييييييين في المنتدى

مدرسة المشاغبين .. لعبه حلوه
::
يا ملـــيــــوون مـــرحـــبـــــا و هلاا بشباااب و بنات المنتدى
:

::

:::


؟؟.. شخبااارر أحلى أعضاء بمنتدانا الغالــي ..



الموضوع بسيط جدا




(( مدرسة المشاغبين )) لعبه حللوه أشرايكم نلعبها



هااااااااااالوووو أقول ههههههههه حتي في المنتدي مدرسه ومو أي مدرسة بخلي من جد كل واحد يطلع عين الثاني .. شوفو الشروط ..


شروط التسجيل في المدرسة :

1) لايشترط الحصول على أي شهادة للقبول في هذه المدرسة

ولي عنده شهادة يـبلها ويشرب مــرقها.

2) ياريت كل شخص يحدد شخصيته

يعني طالب أو مدير أو مدرس او متسبب او عواطلي او راعي مشاكل يعني

أو طالبة مجتهدة أو مدرسة أو موجهه ويستمر بنفس الأسلوب طيلة المشاركات.


او ولي امر طالب ..

يالله أول شئ نبغي مدير للمدرسة أو مديرة المدرسة .. ومشرف و مدرسين


::

الكل يشارك


انا بختار دور طالب مشاغب جدااا وجالس ورا بآخر الصف .. وطاولتي كلها اغاااني وطباشير
<<<< طباشير حق أول أحم أحم الناس أطوروا ألحين يكتبون بأقلام )


وافصفص <<-- حلوه في كل وقت حتى في نص الحصه ...

و أووزع فصفص على الشباب و علوك على البنااااااااااااااات

يالله نبغي مدير او مديرة .......

واساتذه وباقي الفصل

الكل يختار دوره وبعدين نبدأ الدرس

هاذي اللعبه ان شاء الله تعجبكم

وبيني وبينكم فلللللللللللللله مع بعض في البيت والمدرسه مشاغبين ..




نبي مديررر يكون كووووووول

أشوف همتكم يالله واللعبه لازم تستمر إن شاء الله .. وعلشان تكون الحقوق محفوظه (الفكره مقتبسه)


تحياتي لكم

مع احلا سلام لـــــــــــــك ضـــاري <<---<< مشاغب المنتدى:D

[أحـمد السميري]

ههههههههههههههههههههههههههههههههههههههههه ..!!!!


يسلمووووووووووااااااااا ضارى لعبه ولا أروعــــ ..,,


بكل صراحــه انا ما ابى اكون مدير لان المدير فى المدرسه اكره

دائما انا وهو فى هواش بس ابى اكون مدرس تخصصى عاد واحد شايف نفسه


المهم انت يا طالب الى فى اخر الصف انهض لك عندى سوال ..!!!


انت مو كنك ضارى ولا انا غلطان هههههههههههههههههههه

[حمدان الشمري]

ضاري الله يرجك هههههههههههههههههه


اسمع أنا بصير طالب


وبجنبك بأخر الصف يعني عطني من الفصفص:-) حقك والشاي معي تحت الطاوله


وبعدين وشفيه الاستاذ أحمد حاط دوبه ودوبك أكيد مسويلك بلى :-)


شفني انا دايم يعطيني الدرجه كامله وانا جايب بالورقه صفر مكعب:-d

يعني ضابط أموري معه

ضاري وشرايك نفرك اليوم صراحه مالي خلق أكمل اليوم:-(






ضاري ذكرتني بيأم الدراسه الله ياهي من أيام


تقديري

[ضـــــاري]

احوووووووووووووووووووووول

هذا وش نوووووووحه علي كل دقيقه والثانيه ضـــاري قوم عندي لك سؤال

ياشيخ شف المــــــصاريه والدوافير اللي في اول الصف والبنات اللي ماعندهم شغله غير

الحش اسئلـــهم وش تبي

<<<<<<<<<<<<بالتيس:(

انا لو بكيفي كان صرت شـــاطر مثل المصري مـــطر هذا يبصم واكل الكتاب اكل

حــــــــمدان يابعدي وين ابو عراااادة والشباب ترا اليوووووم انا معك نبغي نفرك

خابر لي هندي يضبط الفلافل علي الصبح اااااااااااام تاكل اصباعك من وراها

خل المدرسه لدوافير .

ماني ناقص الاستــاذ \ أحمد هذا يجيب لي الصمرقع هو وسئلته

لا ولما تجاوب غلط يجلدك فلكه انا عاد ما اتحمل يالله اصابعي تتحمل جلد المدير

فوق المدير الاستاذ ياشيخ افصل وصير بالحرس الوطني اصرف لي

من هالمدرسه

اقول مشينا بس

ياحمدان وخلنا نروح الدوراة المياه (ندخن):D

هههههههههه وعقبها نفرك من فوق الجدار خابر لي درام زباله انا حاطه بجنب الجدار ننزل عليه

بدال ماتتكسر ارجولنا هههههه

يلاااااااا


وين الطلاب والتخصصات والمدرسين والمدراء والمشرفين والمصاريه والمصريات

[مــــلاك]

فكره روووووووووووووووووووووووووعه

ضاري انا حجزت

ابي اكون المرشده الطلابيه

يالله باقي المدير اهم شي

مدرسه من غير مدير

صدق دجــــــــــــــــــــــــــــه

[همس الشوق]

اقتباس من رد ملاك
7
7
1) لايشترط الحصول على أي شهادة للقبول في هذه المدرسة

ولي عنده شهادة يـبلها ويشرب مــرقها.


>>> تشاهق من الصياح

الحين كل ابو الشهادات اللي عندي وتقولين ابلهم واشرب مويتهم ماصارت ولااستوت من المدير انا اشكيه للوزارة


وخرووووووووووووووووووووووووووووووووووو

انا جيت ارححححححححححححححب ياانا

شوفو ودي اصير المديرة بس للاسف مااحب التسلط

فعشان كذا بصير طالبة فالشقه الوسطى قدام وانواع الأدب وقبل تخش المعلمة اكون مجهزة الماده ومصففه الكتاب والدفتر بشكل مرتب ومقلمة الاقلام فوق الكتاب بشكل رائع >>> ابوك ياالادب

>>> >>> ياويل حالي تذكرتني يوم كنت ادرس

الزبده مالي دخل بااحد ولااحب ادخل فهواشات بين الطلاب و لااعلم على احد ودايما مؤدبة واحب انتبه للشرح بشكل غير طبيعي ينرفز اللي حواليني

عيبي الوحيد انو اذا جيت بعد مباراة للهلال او المنتخب او الميلان بس تلاقوني احلل المباراة مع اللي جنبي وافرح لو اشوف حد يسألني عن الهلال تلقوني ودي اجاوب قبل يكمل هرجته

بس تعبت

[أحـمد السميري]

هيه هيه أنت وياه ..!!!


ترى الحصه الاولى اليوم عندى ... تــربيه رياضيه ..!!!


الكل يجيب معه اللباس كامل والبوت بعد لا تنسونه لحد يجينى حافى

صدقونى لعطيه فلكـــه ..هههههههههههههههه

وكلكم تعرفون المدرسه بدون مدير وبيصير اكيد فوضه ..

[صالح]

بسم الله الرحمن الرحيم

أصــــــــــــحــــــاب مدرسة المشاغبين الأهلية سلمهم الله وبعد:

أقـــدم معروضي هذا وبه أطلب من ســـعادتكم الموافقة على تعييني مديراً لهذه المدرسة

واعلموا أنني لن أوافق على تعييني في المدرسة إلا بعد الموافقة على شروطي وهي :

أولاً : السماح لي بفصل الطلاب لمدة من يوم إلى ثلاثة أيام حسب المشاغبة .

ثانياً : السماح لي بفصل المعلمين من يوم إلى يومين حسب الخطأ الذي وقع فيه .

ثالثاً : السماح لي بجلد ا لطلاب بالخيزران فقط حسب المشكلة التي فعلها .

رابعاً : تعين الوكيل يكون بالأنتخاب من المدرسين لشخصين ويختار المدير واحداً منهم .

هذا وتقبلوا تحياتي مع الشكر والتقدير لكم .




مدرير مدرسة المشاغبين الأهلية .
أ/ صـــالـــح

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

تم الموافقه على تعين الاستاذ / صالح
مديراً لمدرسة المشاغبين الأهلية


مالك المدرسة
الزاخر المشاغب .

[همس الشوق]

خخخخخخخخخخخ


يس يس يس

وناسه انا طالبه مؤدبة والمدير صالح خخخخخخخخخخخخ

عز الله اني واسطه عند الطلاب الله يعني عليهم

استاذ احمد

ممكن ادخل الملعب >>> ياشين اللي عمره مايدري وش حصة اللعب فالكورة

وتراي معاي تطقيمه للهلال وبوت وش زينه بعد ومعاي بدل هلاليه زياده

[أحـمد السميري]

هههههههههههههههه ... الحمد لله الان يوجد مدير للمدرســه ..!!!


همس كبك من الكذاب عاد اول واحد ينزل الملعب انت منشأنك هلاااااااااالى


كأنى أحب الهلاااااااااااالين ...


وين المرشد الطلااااااااااابى هذا الى ناقص ....!!!!

[ضـــــاري]

اهلا اهلاا

والله وتجمعووووووووووو المدرسين

حمــــــــدان وش رايك نفرك زي امس

<<<<< اليوم خربانه خربانه وش رايك نفرك من قدام المدير:D

مالي خلق اقامز من فوق الجدار امس بغية اطيح بين قوسين (كدت أن اسقط):o

لو مامسك كراعي حمدان كان جبت العيــــــــــد

بس قبل لانفرك فيه مــــــــدرس نبغي نهستر فيه باحصة الرياضه

انا لابس كنادر مســامير ابي اكسر اركب البنات :D

<<<<<< لابس شـــعار الاتحاد يحب الزحلقة

والمدير هذا شين انا يالله هاضمه بعد يتشرط يبغي يجلد الطلاب يوه

والمرشده الطلابيه بس مســــكرة علي نفســها غرفتها يعني ماراح تســوي جوله علي المدرسه

فكه شـــكلها عصبيه هي وتراجيها (حلقها) اللي كنه فــرجار ابو ريالين:D


وين المـــــــشاغبه حنـــان هالبنت ماسكه زاويه في الفصل وحاطه بالماصه سكين يمه تخوف

وقبل يومين . كفخة البنت الشـــاطرة المصريه همـــس


تصدق عاد أنا بسوي اتفاق مع الدوافير والمصاريه

همس حلي لي الواجب وأذا حليتيه راح اقدم لك الحمـــاية :rolleyes:

حنــــــان العربجيه حاطه في خشـــمها (زمام) احلاااااااا من قدك ياهوه:D


يلاااااااا ننتظر البقيه

[مــــلاك]

يالله ياطلاب انضباط لو سمحتوا

لو ممكن لو سمحت ياضاري

بعد الفسحه تروح للاداره
الشكاوي عليك انت وحمدان كثيره

الحارس بيترك الشغل كله منكم
لازم تجوني اعطيكم بلاغ توصلونه لاولياء الامور
بكره مافي دوام الا مع ولي الامر

سامعيني ؟؟؟:mad:

يالله على صفوفكم

[ضـــــاري]

يعني بوصل البلاغ الولي امري والله في اقرب دراااااااااااااااااااام زباله

حمــــــدان يابعدي وش نوح المشرفه ذي علينا حنى لاقينها من الاستاذ ولا من مــــــــــلاك اسمع

جب لهم بدال ابوك جب لهم ابو عرررررردة وحط له شنب وخله يتلطم مايعفونه:D

وانا بجيب عليــــان بس خاف ينكبني هو ووجه تعرف عليه بدليات خاف يجيب( الطعه)

انا ماغاثني الا اللي باخر الصف اللي مسويه نفسها علينا فتوه وهي بنت

اذا ماعقلة ابي اكفخها بالطلعه :mad:

حمـــــــدان جب العدة معك الســكاريب والعصيان شكلي حطيتها براسي ابي احوس ملتها

تعرف الزعامه لنا بالصف وبحكم اني عـــــــــريف الصف اسجل اسماء المشاغبين

عاد انت شاغب علي كيفك ماراح اسجل اسمك للاستاذ

بس اسجل اسماء المصاريه والمصريات والدوافير عشان يتائدبون ولا يغششوننا

بالاختبارات:D

اسمع حمدان الاستاذ حق الجغرافيا طالب مني اجيب صحيفه ولوحه عليها خريطه

مليزياء ابي واحد يسويها بدالي وش رايك بالدافور مطر يسويها لي مقابل

اني اجيب له سندويش فلافل بالفسحه وعصير ميرنداء :D

[حنــان البــــدر]

طيب

موافقه طالبه مشاغبه

بس في حصص الفزياء و الكيماء أتمنى محد يزعجني

لأني بصير فيها مؤدبه أحب هالمادتين

و بعدين تعال ضاري انت مع فصفصك و علوكك

أنا اللي حاطه السكين في الطاوله ولا انت تبغى تحط بلاويك علي ها

يمه منك

معليش كله هالكلام عن المرشده الطلابيه تشوف

[بـــدور]

خلاااااااص وأنا راح أكون مدرسة الفزياء

الحصة الجاية فزياء يا ويلك يا ضاري و حمدان لو شاغبتوا

راح أرسلكم المرشدة توريكم شغلكم

[$$مهــره$$]

صبااااااااحكم سكر وقشطه

ياهوه انا جيت اشبكم..؟؟اش نوحكم..؟؟<<جداوي بدوي كله يصير:p


انا الحين غايبه عنكم كم يوم ولافكر احد فيكم يتصل علي ويسال عني..:mad:

لاتقولون مانعرف رقمك رقمي عند الاداره بس لو احد فيكم راح وطلب المرشده ملاك وقال لها نبي رقم الطالبه مهره ماكان قالت لا..:-@


ضاري انت وحمدان وش جايبكم مكان يلا روحوا مكانكم هناك..والا عشان المكيف جايين:mad:


يلا بعدوا وش هالحر اللي يعينكم يلا قدام مدري شلون عايشين من غير بارد..:confused:


استاذ احمد..

لو سمحت ماحليت الواجب لاني غايبه كم يوم ومدري وش اخذتم واتصلت علي همس الحسوده وقالت مااخذنا شي..

ومشاعل ماترد علي<<تصريفيه


استاذ

بعد نسيت اجيب الترنق..

احسب خلصنا حصة رياضيه مااحسب للحين فيك حيل حتي بالحر وتلعبنا رياضيه..


عيااااااااااال بنااااااااات

وين علكي اللي بالدرج..من اخذه..؟؟

اقول اللي اخذ علكي الله لايهينه يروح المقصف ويشتري لي ..الحين يلا..

[ضـــــاري]

يالحرشـــــــــــه يا حنـــــــــان ياحبك للفتنه تبغين تعلمي المرشده علي:-@

انا وش سويت لك يم السكاكين انا شفت بعد بلاوي متلتله تبغيني اقول وش شفت في

ماصتك ترا تروحي في خبر كان واخواتها وبنات عمها وجيرانهم وكل قبيلة كان


ياطلاب الصف تعالو بقولكم وش فيه ابماصة حنـــــــــان:rolleyes:

بس لحد يقول للمرشده تراها (تقرص) مع الاذان:(

ايه بطاولة حنــــان صور بنات وفنانات هنديات وفنانين

وبعد فيهــا كحل ومرايه صغيره وعلك مويه

وحاطه بالمقلمه جراخيات (طرطعان)

لا وفيه شي خطير بس ماراح اقوله الا اذا شفتها معنده علي رايها خليه لليوم الاسود

طيب مؤدبه بس بالحصص العلميه تعرفون ليش لان قبل يومين أجلدتها المشرفه

لان درجاتها ضعيفه فيها وتبغي تطور من مستواها مع انها من جنب القده

ياشيخه خلي الشـــــــطاره الغيرك للي منرزين في اول الفصل همس الدافوره

والمصاريه

وسمعي ترا لا طيرتي عينك علي ثاني مره كش ياكبر عيونها كنها كبسات ملعب الملز

ترا افقعها لك


وأخير جتناء مدرسة الفيزيا .

احوووووووووول هذي عاد هي ومناظرها كنها معلم شورماء :D

ناويه الشــــــر

ابي اجيب لها ضــب وحطه في شنطتها ابيه يعض اصابعها عشان ماتكتب ولا تشرح الدرس

مدة اسبوووووووووع كامل:cool:


اتركو الخطط علي وانا ابو هندي :D

راح اريحكم من شي اسمه مدرسه والله لا خرب مدرستكم في روسكم لا اقلبها عليكم ساحة تفحيط

الله يستر لا يفصلوني :o

[همس الشوق]

>>>> توها جايه

طبعا الى الان مادخلت المدرسه ولابدت الحصه بس مدري وش عندهم الطلاب منتظمين شكل المدرس يخووووووووف


السلام عليكم

>> راحت عند ضاري

السلام عليكم ضاري

تفضل هذا الواجب حقك حليته لابعد من الاهتمام انواع النظام والترتيب فالخط >>باين انو مو انت اللي حال

وياخي ثاني مره لاتحرجني امي تقول انتي مكلوفه فخلق الله

يؤ يؤ من اللي وراي ازعجني مره مو مخليني اركز فتحضير الدرس

يؤؤؤؤؤؤؤؤؤؤؤؤؤ بس يسولفون عن مسلسل امس تعرض ع قناة الكويت

مافهمت شي ثاني

>> عصبتتتتتتتتتتتتتتتتتت

هييييييييييي انتم احترموا انفسكم ترا احنا فمدرسه جايين نتعلم مو نسولف ونفصفص >> طرررررخ من ضاري

لو سمحتوا اسكتوا والا ترى وصلت حدي اروح ابلغ المشرفه ماصارت مدسه ابي اركز عطوني فرصه

[مــــلاك]

<<<< توها دخلت الصف

طق طق طق

السلام عليكم استاذه بدور
لو سمحتي ممكن اكلم الطلاب

اسمعوني ياطلاب اخر زمن

اي طالب من بعد اليوم يجيني منه شكوى راح يفصل
فاهمين

وبعدين تعال ياضاري انت وحمدان وين اولياء اموركم
انا ماقلت مافي دخله من غير ولي امر
ولا يعني معتبريني طوفه هبيطه
لا اهش ولانش :-@:-@:-@

طيب انتو حسابكم معي بعدين

وانتي ياهمس
شهالحركات الي تسوينها ؟؟؟ تحلين واجبات الطلبه
محد طلب منك عليك بنفسك بس مالك شغل بغيرك
لعلمك الطلاب يخلونك تحلين وبعدها يجون يعلمون عليك يالذكيه
لو اسمع مره ثانيه انك عدتيها راح تحرمين من حصص الرياضيات هالاسبوع

جينا عند الاخت حنان
قالبه الصف استديوا حظرتك
صور فنانين واشرطه !!!
شهالفوضه هاذي
اشوف طلعي كل الي بدرجك وارميه قدامي
بسرعه يالله :mad:

واسمعوني يابنات اي بنت تجيب لي مرايه ولا كحل ولا اي شي من هالخرابيط راح ناخذه منها
وتنقص خمس درجات من مادة الفيزياء
تدرون ليه اخترت الفيزياء
لان البلاغ جايني من الاستاذه بدور
تقول هي تشرح وحظرتها الاخت مهره تسوي مكياج لحنان
على بالكم انتوا بصالون :mad:
انتبهوا لدروسكم احسن هي الي بتنفعكم

والحين ضاري وحمدان اشوف قدامي وقفوا ورا اخر الصف
وارفعوا رجولكم يالله
عشان كل مابغيتوا تسوون شي تتذكرون الالم وتتوبون

اسفين استاذه بدور طولنا عليك واخذنا من وقتك

[أحـمد السميري]

السلااااااااااااام عليكم ورحمة من الله وبركاته ...!!!!


وش دعوة عاد كل ذا يصير من الطلااااااااااب من جد طلاااااااب مشاغبين


لازم نفكر فى حل سريع ....


سوف نقوووم بدراسة الموضوع مع الادراة ..!!!

[بـــدور]

بسم الله الرحمن الرحيم

اليوم درسنا عن القوة و أي أحد يتكلم راح أنادي لكم المشرفة

تهزئكم مثل أمس

ضاري وأنت حمدان يا سلام :-@:-@


دلة شاهي و أكواب و حب وحاله
ما شاء الله
قالبين الصف قهوة و انا ما أدري

ما نقصكم غير الشيشة

يا الله تعدلوا في جلستكم ولا راح أنادي لكم المشرفة


وإنت يا همس يا سلام قاعدة تحطين عدسات وفي الفصل و قدامي كمان والله

قوات عين


ليه ما تصروون مثل حنان مؤدبين


نفسي مرة أدخل عليكم و أشوفكم مؤدبين مرة بس مرة

لالالالالالا إنتوا ما ينفع معاكم

و ينك يا مشرفة

[همس الشوق]

>> > > بكل ادب و احترام وهدؤ

استاذة بدور شفيك علي غلطانه ماهيب انا اللي البس العدسات هذي اللي بجنبي يعني تتوقعين من البنت الهادية الشاطره انها تسوي كذا >>> ماتعرف تهاوش من كثر الادب اللي فيها

ضاري حمدان افززززززززعوا لي هاوشوها تراي موب انا اللي البس عدسات

استاذة ملاك انا اسفه ولاعمري عايدتها وموب لازم احل لاحد قالتها امي مالك ومال الناس


تهئ تهئ تهئ >> تصايح الضعيفه لانو جتها مقلمه منن اللي وراء رموها عليها وماتقدر تقول باء

[$$مهــره$$]

همس لو سمحتي عطيني دفتر المواد العلميه كل ابوها..شوف جيتك بادب وذوق عطيني اياها لاتخليني الحين افتح شنطتك واخذها بالقوه ويمكن يعجبني شي غيره واخاذه..


هموسه ليه ماتشوفين المسلسل..صراحه شي يهبل..والا الولد هذاك ياحرام ميت بحب هذيك<<اتحدا فهمتي شي:D


ولو ماتبين ازعاج روح فصل((ب))اكثرهم دوافير مثلك..والا اسكتي ولاتسوين لنا ازعاج..

وش ماخذين من الدراسه درسنا درسنا وشوف وش كثر اللي جالسين وجالسات وقاعدين وقاعدات بالبيت من غير شغل ولا مشغله..:cool:


وانا جايه المدرسه مو حب بالدراسه لا والله حب السوالف والهذرهـ..لاني امي تعي اخليني اسير علي صديقاتي وتقول لي لاعرست وصار لك بيت روح يم اي احد تبين..:-(

يعني خلينا نستانس ولاتنكد علي نفسك..يقول لك::

فل الحجاج وخل عنك الهواجيس,,,,كم واحد مات وحاجته ماقاضه

<<<<صح لساني:-P





ياحوووووول الله جات البطه المشرفه..:mad:


ابله ملاك..

معليش تحمليني<<تمون:p

لاني امي تهاوشين وتقول لي حتي المكياج لاتحطينه..وعيني لاتحلاك بالاحمر والاخضر:-(

يعني لاتضيقينها علي خليني افش خلئي والا ترا بانتحر:(والسبه انت..وانتي بكيفك وقد اعذر من انذر<<<حشا مديره ماهي طالبه..


<<<<<:D:):-d:-)قمة الونااااااسه وهي تشوف ضاري وحمدان واقفين..

ايه ابله ملاك خليكي كذا قويه مثل ابوي:p


ابله ابله..شوفي ضاري نزل رجله..:-P

يؤيؤيؤيؤيؤيؤيؤ ابله بعد شوفي حمدان يمد لسانه لكي :-P


معليش حمدان انت وضاري بس مااحب احد يحش بالثاني ويهرج عنه من وراه:cool:


ابله ملاك لا عادي اجلسي وش ورانا لاطولتي ولا شي بالعكس وسعتي صدري باللي سويته بحمدان وضاري..:-d





لاحول ولاقوة الا بالله هي تجيني من ابله ملاك والا استاذ احمد..:mad:

وعليكم السلام ورحمة الله وبركاته

نورت الفصل يااستاذ احمد

انت العسل واحنا البصل

وتحيه قوووووووويه لااستاذ احمد

وبعدها تصفيقه قووويه لين تحمر كفوفكم:D


هلا بدور<<خلاص صرنا بعصر الحريه وبلاش كلمة ابله..


ابلله بدور وش قوته..

اقول القوه انك تسدح خصمك وتضربه لين يقول التوبه..:p

هذه القوه غير كذا مابوه ابدا..:-d


ايه ابله علمي عليهم ابله ملاك..ترا امس يوم وقفتهم شفيتيهم جلسوا عاقلين واليوم نسوا اللي امس..علمي ابله ملاك عشان تعاقبهم وقولي لها هالمره توقفهم بالحوش تحت الشمس<<قمة التعذيب:-P


ابله بدور لو سمحتي تراكي غلطت بين حنان وهموسه..:-(

اللي جالسه وتحط عدسات تراها حنان..

ام هموسه ياقلبي حالها حال نفسها لاتهش واتنش..:(


نفسك مره تدخلين وتشوفينا مؤدبين ابشري..بس انتم عطونا فرصه عشان نعبر علي اللي بدواخلنا:o

عطوا سداح فرصه وبعدين شوف وش يصير..!!


تبين ابله ملاك يابله بدور..

اروح اناديها لكي..والا ادلك علي غرفتها تروحين تعلمينها..بكفيك اهم شي راحتك ياابله:)

ولكي من هالورده(f)

[همس الشوق]

مهره شوفي بعطيكي بس الله يخليكي تردينهم لي بسرعه اول ماتخلصين لاني احتاجهم وقت المذاكره فالبيت

ارسليهم فاقرب وقت

وبعدين من قالك مابي فصل "ب" بس هم مخليني معكم يقولون عشان يمكن أثثر عليكم مادروا اني يمكن اتأثر منكم مامن شاف فالفصل زعيم المشاغبين ضاري

بعدين لاتستفردون عضلاتكم علي عشاني ضعيفه ومسكينه

ارحموني وانا بساعدكم واذا حبيتوا اعطيكم دروس خصوصي مجانا

[مــــلاك]

<<<< دخلت معصبه:mad:

وبعدين يعني
انا ماعندي شغله بالمدرسه غيركم

متى تفهمون وتعقلون

حنان انتي مارميتي كل الي بالدرج
شلون طلعتي العدسات
يعني عندك درج ثاني بالصف :mad:
بسيطه انا اعرف كيف اكشفك

وانت يالاخ ضاري اشوف وقف عدل
وحمدان بلاش هالحركات كبرت عليها

اما انتي يالسوسه مهره
علومك كلها وصلتني
مسويه روحك مؤدبه وعلى نياتك
هين انا اوريك

معليش استاذه بدور تحمليهم هذولي جهال مايفهمون
واوعدك انشاءالله اتفاهم مع اولياء امورهم وماييصير الا الي يرضيك

يالله انتبهوا للدرس وبلاش هذره

[حمدان الشمري]

ممكن يامشرفه ملاك

تعطينا فرصه أخيره ترى تعبت من الوقفه :-@ وبديت أعصب وافقد حلمي خليني أجلس لاأروح
واتوطى بطن المدير صالح:-@:-)

وبعدين لاتخليني أدعي عليك مثل الاستاذ مصطفى

لما أخذ أوراق خاصه بي كنت أخربش بأخر الصف فيها ونتكلم انا واللي بجنبي

عن طريق الاوراق بحديث خاص جدا" يعني كل شي مدون بالورقه:-Sعشان مايسمعنا

وجاني الاستاذ مصطفى وأخذ مني الورقه وشاف اللي ماينقال :-|

وراح وقام يعطي الورقه اللي فيها الكلام للمدرسين واخذووو يضحكووون:-@

وكرهته ودعيت عليه

تدرين يامشرفه وش صار له من بكرى:-d

جانا مصطفى مجبص يده ((يعني مكسوره));-)ثم عطيته دعوه ثانيه وغاب لمدة

أسبوع:p وبعد الاسبوع جانا منكسر خشمه:-d

واتمنى أني أعرف وش صاره عقب انقطعت أخباره وحنا مشتااااقين له

وهذا دليل اني مظلوم


وانا جبت القصه يامشرفه ملاك ليس للتهديد:-)وانما للعظه والعبره

وحتى تتاكدي اني موادب ولا أظر أحد


وبس:-d الله ياقصة المدرس مصطفى :-P

[همس الشوق]

استاذة ملاك لو سمحتي لو سمحتي لو سممحتي

تكفين حاولي تنقليني عن هالفصل مره مزعجيني مو مخلني فحالي الا غصب يطولني شرهم لو سمحتي خلاص ماعاد فيها اسكت مااتحمل وربي حصه الفيزياء مافهمت شي كلو من قرقهم الواجد وحوستهم حتى يرمون علي علوك يقولو الا خذي ماابي غصب هي

استاذة ملاك حاولي فالمدير ماابيهم

المشكله انو المدير يقولي ابيك تعقلينهم اي ابو عقل احس اني ابنهبل اتلى عمري معهم

[ضـــــاري]

حمـــــــــــدان

وش الدبرة الحين هالمشـــــــرفة حاطه دوبها ودبنا شـــكلها ناويه الشـــر
اسمــــــــع أنا راح انتقم منها كل البنات يظحكون علينا وخلتنا مســـخرة بالصف:(
عقب ماكنت أنا اوقف المـــدرسين علي رجل صرت انا اقف علي رجل


طيب أدواك عندي يا مشـــرفة مــــــــلاك :mad:

الخطه كالاتي ياحمـــــدان
أســــــــمعني عدل وفهم اللي اقوووووووله لك بالحرف الواحد
المشـــرفة مــــــلاك في غرفتها اللي في الادارة (جـــــــــــل شـــعر)
كل يــــــــوم الصبح تحطه علي شــــعرها
أوكية حمــــــــدان فاهم ياويلك اذا مانت فاهم وش اللي براسي:-@

انا بكــــــرا بشــــتري من الصيـــدلية (مزيل الشــــعر) VeeT:D
وراح نـــدخل المـــدرسه بدري مع الحـــارس اللي براء
وراح نفرغ علبة الجـــل ونحط بـــداله مزيل الشـــعر:cool:

وصــــدقني يا حمـــــدان راح تــــــــدعي لي
شـــــــــهر كــــــامل ماراح تشـــــــــوف مـــــــــــلاك:p
بــــــس انتبه لاتــــــــــعلم أحد ترا هذا المـــــــوضوع فيه فصــــــل يعني
راح نندم اذا أحـــــد عرف بالموضوع:(


_____________

مــــــــــهرهــ جايه من الباب لطاقه تقولي وخــــــرو عن مكاني أوقوووول
ابلعي العـــــــافيه لا أعلقك بالسبـــــورة أخرتها خلي بس أستاذه الفيزيا بدووور
تطــــلع من الفصل وطبك عندي :-@
شـــباب بنـــــات لحد يتدخل بالهوشه خلوني ابــــــرد ســـــبدي بالملقوفه مهــرهـ
اذا مـــاحســـتك بين الطاولات ماكون أنا ضــــاري علي سن ورمح:D
يالحــــروش (يالبلوس) يم التيــــوس تيسه ماتفهم شي هالطــول أذانك
بعـــــــدين وش تبين بـــــــهمس أنا معطيها الحـــمايه مقابل انها تــحل الواجب حقي
هين احسابك عندي باقي خمــس دقايق ويرن الجـــرس ترحمي علي روووحك:cool:

__________

همــــــــس لاتســــمع أذن طاري انك تنقلين براء الفــــصل (أ)
ترا قــــــسم لا أشوي البصـــل علي أذانك مره ثـــــانيه:mad:
أنطقي بفصـــلك ولا تــــــراء اســـــلط عليك المتـــوحشة مــــــهرهـ
ولا اســــــوي فيك شــى أعظم من اللي ســـــــويته بالمشــرفه مــــــلاك

________

الاستـــاذه بـــــــــدور يازينك ســـــــاكته أقول أعقلي لاتخليني
أحـــــــطك بــراسي أثرك منتى عـــــارفه ضـــاري لاحط مـــدرس براسه
بــــــعدين الشــــــاي والقهوه اللي جايبينها فطــــــور الناء أذا ماتبغينا
نجيب فطــــــور أدك علي خمــــس اريال حق الفســـحه ولا نقـــطينا بسكاتك
وبعـــــــدين كل دقيقه والثانيه أجلسو عدل لا انادي المشــرفه مـــــــلاك
تراها راح تأخذ اجازة أضطراريه مدة شـــهر هع هع
<<<يراعي الحمـــــدان ويغمز في عينه;)
_____________

ولي عـــــــودة بعد الفســـــــــحة(f)

[$$مهــره$$]

بنات مايجيون غير بالعين البنفسجيه:-@

ولايهمك هموسه اول مااخلص منهم اتصل عليك وتجيني تاخذينها لان ماخلق اجي بيتكم..:cool:

اصلاً حارتكم كلها ماحبها اعوووووفه كل ابوها الله يعزكم مجااري وش ذي الحاره:confused:

ولو تبغيني فصل ب خلي ولي امرك يجي معك ويطلب مديرنا اللي راز نفسه بالاداره وماهو مصدق انه مدير لايطلع منها ولاشي يخاف احد يجي مكانه..فباله ان لو طلع واحد جاء بعده وجلس علي الكرسي ان خلاص بيصير حلاله..ياحليله مديرنا خبل مثلنا:D


وخلاص دامك بتعطيني دروس خصوصيه خلاص حمايتك علي وبس احد يقرب منكي علميني اذا ماخليته بشوف النجوم بعز الظهر مااكون بنت ابوي وامي واخت اخوي واختي:p


ياحووووووووولا جات البطه ابله ملاااااااااك..:-@


ابله ملاك انا سوسه..الا انت السوسه والا شلون وصلتك علومي هاه يلا اعترفي مو عشانك ابله تنافخين علي ترا والله الحين اشتكيك عند الوزاره واخليهم يفصلونك..:-@

ولاعاد تصرخين علي عند الطلاب ولابغيت تهاوشيني ناداني الاداره وهاوشي اما هنا بالفصل فلو سمحتي بليز لااترفعين صوتك لان شخصية قويه عندهم ومابيه تنهز قدامهم اوكي ابله<<<تقول ليت المدارس تسذا:-d



الللللللللللله ياحمدان ذكرتني بالاوراق..كم ورقه راحت علي بس اشوا كل اللي راحت ومن حظي ماخي سب بالمدرسات والا كنت الحين في خبر كان..:-(

اذكر مرررررررره ومانسااااااااها انهم سوا تفتيش بالمدرسه وكان ذاك اليوم معي دفتري الخاص..وشلون جاء الحظ الردي مدري وشلون جاء بالشنطه مدري..المهم اخذوها مني ولارجعوه لي..

والله رحت للمديره وطلبتها الدفتر وانا ابكي وهي اعوذ بالله مااقسي من قلبها وعييت تعطيني الدفتر..وجلست ادعي عليها..

ورحت البيت اصيح ويوم سالتني امي علمتها..وحسبتها الحين راح تواسيني الا قامت علي وهاوشتني لين حلفت لها اني اخذته من غير قصد..

ومن بكره ام فلان تلبس عبايتها وتروح المدرسه وتجيب لي دفتري الغالي..بعد ماكتبوني تعهد وبعد مااخذت شوية هواش علي نصح من امي:-(..ربي يخليها لي ولايخليني منها قولوا ااااااااااامين..


نرجع للمدرسه:D


هموسه بليز خصص ولاتعممي..:cool:

وابله ملاك ماعندها سالفه لو تبيني تنقلين قولي لولي امرك والا قول لي وانا ادبر عمرك وانقلك..اقول لك شلون...؟؟

اغيب عن المدرسه والبس عبايه وغطوه بس ها جيب دفتر العائله عشان يصدقون اني امك وانا انقلك..وابو امه وابوه اللي يعرف اني مهير..:-d

وانا صادقه مكاني..حتي شوف الجدار وراك وش مكتوب فيه..

اذا مالقيته خطي واسمي..:mad:

يعني انت ابلع العافيه والنخيل ودلال..

تبي تبرد سبدس..ياخوي عندك العيال والبنات وش كثرهم مالقيت غيري..:(

<<<تمسكن لين تمكن:-(


والا اقول يلا حوسيني بين الطاولات عشان اشتكيك عند الاداره ويفصلونك واخذ الزعامه بدالك..:-P


والبنات مااحد راح يتدخل بالهوشه بس ماادري عنكم يالتماسيح..اعرفكم بس تسمعون بهوشه غير تدخلون فيها حتي لو كان بنقالي..:p


انا متوووووووحشه حرام عليك ضااااااري لاتخرب علي ترا وش حليل البنات معاي..اول مدرسه بناتها وش زينهن معاي..:-d

يابنااااات ترا ضاري يتسذب عليكم تراني بسيسه لااهش ولاانش غير اذا احد اخطي علي..:p


بس خطتك تهبل ضااااااااري..

بس فيها اخطاء..

انا اقلك وشي..

اولها وشلون تدخلون المدرسه قبل الحارس..غير اذا كنتم مطلعين مفتاح للمدرسه من وراي..:mad:

بس انا عندي خطه من هالناحيه..وهي اني بكره اتهاوش معي حنان وطبعاً راح تجي ابله ملاك الفصل وانتم استاذنوا من الابله قبل تبدا الهوشه..ورحوا الغرفه وبدلوا الجل بمزيل الشعر..;-)

هاااا وش رايك..؟؟وياويلك تقول ماهي بزينه..:-@

ضاااري الله لايهينك وانت هات لي معك ساندوتش جبنه وكولا..

بس طلعها لي وبعدين انزل واتفسح وابلع لين تقول بس..:D

لاني مالي خلق انزل به الحر..

الله يهدي استاذ صالح مدري ليه مايحط لنا تكيف مركزي بالحوش..لعنبوا ابليسه البخيل يحسب انها علي حسابه مايدري انها علي حساااب الحكومه..:p

[همس الشوق]

> > > ترجف من الخوف

خلاص خلاص صخلا ماابي انقل

ضاري اخر مره افكر فالننقل ابيكم اساسا انا امزح يوم اقول ابي انقل

مهرهـ خلاص تراني بمر بعد شوي اخذ الدفاتر جهزيهم

وبعدين لاتصيرين مبدلتهم فدفاترك يعني عشان دفاتري مرتبه

تهئ تهئ تهئ تهئ تهئ تهئ

>>> جتها الصيحه من طفش الفصل وقلقه

[أحـمد السميري]

التاريخ / 7/6/1379 <= حطوا عينكم ع التاريخ (( يعني موضوع اليوم قديم غبرة كح كح ))

المادة / تربية رياضية

الموضوع / الشقح - ولعبة عظيم ضاح

الأهداف السلوكية :-
1- ان يقوم كل طالب من مدرسة المشاغبين بتمرين الشقح (( لعبة شبرا أمرا ))
2- أن يستنتج الطالب ان الشقح قد يكون لا اراديا احيانا
3- ان يتقن الطالب لعبة عضيم ضاح (( عضيم ساري سرى ))



الاجراءات التعليمية :

التمهيد :- يعتمد الانسان في حياتة على المشي واحيان تصيبة رجه ويقوم يتشقح ولكن لماذا كل هذا هل هي زيادة هرمون الشقح بجسم الانسان ..؟
طبعا الجميع مر عليه موقف انه يوم تسطر من ابوه ولا امه وجرب الشقح فعلياً ولا من عيال الحارة
وسوف نشرح الموضوع بالتفصيل .
اما عن لعبة عظيم ضاح وتسمى عند الحنس ( عظيم ساري سرى ) اختلف المؤرخون على تسميتها من هم من يقول انها تعود الى اصل يوناني حيث كانت تقام لها بطولة عالمية في دولة اليونان ومن هم من يقول انها تعود الى اصول عتيبيه حيث كانت تلعب في بطن كل حارة من حارات نجد .
والقول الثاني هو الصحيح ع الارجح ...

العرض :-

نظريه:-
(( عندما تكون في هوشه اذا واذا فقط فانك سوف تشقح ))

البرهان :-

طبعا الكل منا مرة عليه قصة مقيط ورشاه <= تحسون انه ظهر برا الدرس <= لاحظوا كلمة ظهر متعوب عليها

ولكن ماخفي كان أعظم
كان مقيط اشهر الشقاحين بالجزيرة العربيه (( حيث سجل اسمه بكتاب جينيس للارقام القياسيه ))
فهو الوحيد الذي استطاع التشقح لمدة 18 ساعه متواصله بدون توقف


اما لعبة عظيم ضاح (( عظيم ساري سرى ))
مكونات اللعبه :-
1- عظم مكسور (( عظم عنز،، بعير،، يمنع العظام الانسانيه <= مو مدرسة مشاغبين دراكولا )).
2- براحة فاضيه من الحصى والعودان <= عشان ماتشقق كراعينكم (( ملعب كورة عادي )).
3- ليلة سرمديه (( يعني مافيها نور قمر عشان اللعبة تضبط )).
4- مركاز لتسجيل الاهداف.
5- من يجد العظم يصيح عظيم ضاح (( او عظيم ساري سرى )) لاختلاف اللهجات ويركض بها الى جهة المركاز الموضوع للتسجيل.
6- ع بقية اللاعبين اللحاق بمن وجد العظم واللي ياخذ العظم منهم يهج للمركاز وهلم جرا .





التقويم :-

- كل طالب يجيب شريط فيديو مسجل له وفيه قد اتقن لعبة ((شبرا أمرا))
- كل طالب يجيب شريط فيديو مسجل عليه لعبة عظيم ضاح وقد اتقنت


أحد طلاب الفصل <= جاني بورقة كاتب فيها اسماء المشاغبين واللي يسمع اسمه يطلع برا ويسوي 50 بوش اب <= المدرس مو متاثر بستار اكاديمي


حمدان ،، ضاري
مهره ،، همس الشوق (( بوش اب البنات يركعن على ركبهن لاهانن وان شاء الله درس اليوم بيطلع منكم بنات لايهابن البوش اب ))



طبعا حرصا على بطون وكروش الجميع (( التهريب للفطور خارج المدرسة ممنوع منع بات ))



مدرس المادة :-

صعفق بن شليويح <= للتمويه على رجال أمن الدوله
<= يقولون سياسي

[همس الشوق]

حرررررررررررررريفة بوش اب وامووووووووووت فيها واخر التطورات سويتها 15 مره ورى بعض وماقلت تعبت

بروح الدوام اذا رجعت نكمل سي يو

[صالح]

بعد صلاة الظهر والطلاب كلهم مجتمعين بالمسجد بعد الصلاة :

قام المدير صالح ونادى :
حمدان الشمري
ضاري
بسرعة قوموا وتعالوا
ثم أخذ العصاء وضاري يضحك وهم يمشون ويقول ما عليك يا حمدان ما راح يضربنا وحمدان يبكي ويقول ياليت
ثم تقدموا عند المدير وقال للطلاب :
يا طلاب مدرسة الزاخر المتوسطة انظروا لهولاء الطلاب الذين يقفون أمامكم أتعرفون لماذا لأنهم مشاغبون في الفصل سوف يتم جلدهم كل واحد خمسة عصي .
فبكى حمدان ولكن المدير لا تأخذه رحمة في الطلاب المشاغبين فضرب ضاري وبعدها ضرب حمدان .
وأخبر الطلاب بأن المره القادمة سوف يقوم بجلدهم على أقدامهم ( فلكه ) .
وأعطى الطالبة همس الشوق جائزه لأنها هي الوحيدة المؤدبه داخل فصلهم .
.................................................. .................................................. ........

[حنــان البــــدر]

ضــــــــاري و حمــــــــدان

على فكره علمت المرشده ملاك على خطتكم
تدرون كيف عرفت ؟؟
طبعاً المرشده ملاك أخذت كل اللي بدرجي
وانا خبيت مسجلي اللي بسمعات في درجك
وخليته على التسجيل (بسمع حشكم في خلق الله )
وسجلت خطتكم(كانت من حظي)
هههههههههه
و عشاني علمتها
ماخذت مني المسجل قالت هذي آخر مره
وقالت بتوريكم شغلكم
ومهره حبيبتي ما قلت عنها شئ
هذا عشانك دايم تفتن يا ضاري (( دبوس الفصل ))

:

و نجي عند همس الدافوره بسم الله عليها
حبيبتي هــــــــمس ممكن تعطيني واجب الأحياء (صايره من اللي يقولون حبيبي عند الحاجه)
انت تعرفين كتابي الأحياء خذته استاذه بدور مني يوم كنا انا ومهره نتهاوش بالكتاب
طيب

:
و المدير صالح على باله بننقهر من همس عشان الهديه
ولا معطينه خبر من حلات الهديه الحين

[أحـمد السميري]

الطلاب فى ايجازة ..!!!

[مشاعـل التركـي]

<<<<<<<<<<<طالبه مالها دور بالفصل
لكن راح يبدا دورها بعد الاجازه المقرره

راح تكون طالبه متفوقه وبنفس الوقت مشاغبه

[أحـمد السميري]

حياااااااااااااااااااااااك الرحمن مشاعل ان شاء يكون التسجيل بعد بدايه الدور الثانى

[ضـــــاري]

صبـــــــاح الخيـــــــــر من غير نفس

<<<<<<<<<<<<طاقها لطمه علي الصبح ماله خلق

جابره ابوووه علي المدرس يتميرض اليوووم يبي يغيب لكن ابوووه كاشفه:107:

<<< أول مادخل الصف قز بعينه حنـــان واشر بيده يقوووولها هين بالطلعه كان بمك خير

حمــــــــدان في أخر الصف يوم شـــاف ضاري قام يرحب ويهلي

هل والله بذيباااااااااان

هل براعي الكــــــامري:100:

يقول ضــاري:

حمــــــدان شفت وش ســــوت النذلة ذي بس صدقني ماراح تــــــروح كذا من غير طيخ طاخ

اليـــــوم راح تشـــــــوف ياحمدان الحركات اللي قلتلك عليها حركة( سنــــوكاء )

وحركة (اندر تيكر) اليوم راح يصيـــــر الدم لركب:106:

تكفي ياحمـــــدان لاقلتلك تـــــــكفي أحذف اللي بيدينك وتعال

بس لاتحذف اللي معك بالماسنجر ههههههه

أسمع لا تــــخلي أحد يفرق ابي اأخذ راحتي ابي امـــــارس هوايتي

ابي اكـــــــفخها

بســــــــبدي مــــــــــر من هالبنت

حنـــــــــان ترحمي علي نفســــــك اليوم أخر يوم بحياتك

تعرف حمدان المـــــــــرشده بعد اللي ســـــــمعته مارح تســـــوي لنا شي عارف ليش

لانها خايفه علي عمرها قالت اللي يســــــوي كذا أكيد بيسوي شي اعضم منه

يعني حط في بطنك بطيــــــــــــخه صيفي هع هع هع:103:


اقووووووول حمــــدان أنا يوم دخلت الصف اشـــــــــوف همس تتبســـم وش قصتها

عندك خبر ولا علم


ايه صح نســـيت لاقووولك فيه رحـــــلة بريه راح تكـــــــــون خلال الايام الجايه

راح تكون علي كيفك رح ســـــــجل اسمك مع اللي يبغون يروحون البر

نبغي نحـــــــوس عليهم الرحله فيه حركات مخبيها انا الطلعه البر

راح تعجبك يا حوووووووووووحا

<<<<<<<<<بداء يدلع حمدان شكله يبغي يجيب فيه العيد

أحلا مافي حمـــدان انه علي الدين


ايه يقوووولون ياحوووووووحا هع هع أن مهرهــ فارقة المدرسه فكه

بس جت بدالها مشـــــاعل ويقولون مشــــــــاعل من النوع اللي ماعنده تفاهم :112:

وش رايك نكـــسر شوكتها من اول يوم عشان تخضع للامر الواقع


فكر ورد لي خبر انا بنزل اتــــــــــــفسح


سيؤ

[أحـمد السميري]

سلامات انت يا طالب المدرسه راح تقفل الين الدور الثانى انت


جاى على بالك مجتهد ههههههههههههههههه .. الله يرجك

[مشاعـل التركـي]

انتهت الاجازه والا مابعد ها
ردوا بسرعه ترا انا خلاص
طفح الكيل عندي باسباب المجرم ذا
قال ايش قال يكسر شوكتي
ان ماكسرت شكوكتك ياضاري الساقط ماكون انا مشاعل
وخلني على بالك زين
روعت حنان بحمدان والا بحركات سنوكا
انا اوريك وش حركات سنوكا
راح اوريك الوجه الثاني اللي يناسبك
انا سكتلك واجد وانت تهدد على الفاضي
بالدور الثاني لقانا

[ضـــــاري]

أنا ساقط

طيب ترا ياللي هناء ماقصد مشــــــــاعل ساقط يعني ساقط اللي بالي بالكم

قصدها ساقط يعني راسب هع ههههههه:2:

طيب شوفي

جامعة الملك سعود-عمادة شؤون القبول والتسجيل

بيان الدرجات الفصلية

الفصل الثاني للعام الدراسي 1425/1426


425910330 الرقم الجامعي
ضــاري بن ..... بن ..... الشمري الاسم



الدرجة المقرر
ب+ نهج 1475
ب ترب 1341
ج+ ترب 1356
د+ نفس 1113
ج+ نفس 1221
أ+ نفس 1371
ب+ خاص 1101




4.23 المعدل التراكمي


تتمنى لكم عمادة شؤون القبول والتسجيل دوام التوفيق والنجاح:25:



هذا دليل اني ناجح الحمدالله شاطر محد قدي بس عيبي اني مااذاكر الا ليلة الاختبار

انشالله اليله اذا مالعبنا طايرة وتاخر الوقت الحق علي لقاء ملاك

وعقب اتفضي لك ورد عليكي يم شوووكه

يالسدرة:16:

[مشاعـل التركـي]

ههههههههههههههههههههههههههههههههه
هههههههههههههههههههههههههههههههههههد
هههههههههههههههههههههههههههههههههه
ضاري وربي ضحكتني من قلب
لكن انا اسفه انا اقصد بكلمة ساقط يعني راسب
ماجا فبالي غير كذا
وبعدين تقول انك متفوق ايه طيب
هذا وانا ماخذه الاولى عليك

[أحـمد السميري]

كع كع كع كع كع كع كع كع كع كع كعه كع ........

من جد طلبه مشاغبين لا بد اتخاذ الازم معاهم

[مــــلاك]

بيـــــــــــــان من ادارة المدرســـــــــه

غدا انشاءالله سوف تنتهي الاجازه

الي يغيب اول يوم يخصم منه خمس درجات من مادة الرياضيات

وفيه تفتيش عند البوابه الرجاء الالتزااااااام ياطلاب مدرسة الزاخر

المرشده الطلابيه
ملاك العتيبي