هكذا أنسكب الحرف ..

[نزف]

هنا ينسكب الحرف شعراً .. ويتمايل كـ الزهر فرحاً ..



هكذا وجدته هناكـَ .. وكلة شموخاً ..

وهكذا يكون يأتي من المبدعين ..



أردت أن يكون هنا .. بجوار أحد ممن ينتمون لهذا الشموخ ..






محاورة شعرية .. ولا أبهى ..



كان لأحد الزواخر فيها تواجداً .. وهو :



الشاعر .. الزاخر .. المشرف ..



العرابي عبيدالله ..



مع قامة لا تقل عنه إبداعاً ..



الدكتور .. الشاعر ..



حمد العصيمي ..



هنا البدع .. والرد .. وقبلة الإحترام المتبادل ..



هناء الوفاء ( وافي ) كما نريدة ..



وكل ما تغنى لأسماعنا ( دافيء) ..



محاورة شعرية .. بدأت هكذا ..



.




.


د . حمد العصيمي بدأها قائلاً ..



يا عبيد الله ترانا ما اتكلـــنا غير با الله
ما توكلنا على غيره على طول الزماني


رحت قبل اسبوع في رحله وجيت وفيك عله
رحت واذانيك معك وجيــــتنا من غير اذاني


عبيدالله العرابي :


مرحبا حيّ الله اللي في ذرانا مستظله
ماحسدها غير من هو بين خوف وبين أماني


رحت قبل أسبوع في رحله وجبت العلم كله
مايخلي موقفه غير الضعيّف والهداني


د. حمد العصيمي :




الله الله

الرجال بحقها والله مظللــــــنا بظله

ما ندور ظل غــيره لا فلان ولا فلاني


يا بني الحارث صوركم والحقايق فا المجله

والمجله وضحتها من مكان ليا مـــــــــكاني


عبيدالله العرابي :



طيب .. طيب


الرجال بحقها واللي نقوله بالأدله
مانقول ألا الصحيح وكل قول وله ضماني


الحقايق ثابته والزور مايثبت محله
يامسرحها عشر بكره تضويها ثماني


د. حمد العصيمي :


طيب طيب


ما نباها بيننا ضحكه على فنــــــجال دله

والله يكافيك من هرجه على راس اللساني


بل راسك يا العرابي تحــــــت حد الموس بله

والليال المقبله مني يجـــــــــي لك علم ثاني



عبيدالله العرابي :



أدري إنك ما أنت لاخايف ولاجا فيك ذله
مايذكّرك السحور ألا ليا هل رمضاني



من بنى جدره على سيسان ماجافيه خله
ثابتٍ من فوق ساسه في قسى ولا لياني



د. حمد العصيمي :



زلة العاقل تبا تحسب يجي عــشرين زله

لاا لتقى راع البعير الحر مع راع الحصاني


العجوز اللي تسرحكم على تســـــعين مله

وش رزاني دامت انتم لا خوال ولا عواني



عبيدالله العرابي :



ياالعصيمي قولها للي على نهجك وقله
راح وقت العنتريات السباع أمست حصاني



لاتمد يديك لنجوم السما اللي مستقله
إلزم ارضك ماأنت حول الجدي وسهيل اليماني


د. حمد العصيمي :



ما يصير الذيب حصني من عقد حبل يحله

لا تثنى في يديني مثل عود الخيزراني



يا العرابي لا تعلمنا عن حســـــاب الاهله

انت ما تدري عن اهوال الزمان القلباني




عبيدالله العرابي :


طيّب ... طيّب

الغضيب اللي عصى أمه وإلتوى مع كل شله
وش يسمى وأنتم أهل المعرفه قاصي وداني




لاتجيب اللغز يادكتور لين إنك تحله
والزمن ماهو بيد دكتورنا والعمر فاني




د. حمد العصيمي :



هههههههههه طيب مليون

اخذ شور الرجل من راسه وشور البــنت خله

ما خبرنا الشور يوخذ من منقــــشة الحناني




الزلازل حركت مقلع طمــــــــــــــــيه من محله

والجـــــــــــــــبل لا هزه الزلزال ما ياخذ ثواني



عبيدالله العرابي :



الله الله

إن لقينا اللي يعْفس الشور لابااللّه نزلّه
خير من راع الهزايل ياحمد راع السماني




السوالف بعضها عن بعضها كذب وتعلّه
جوز عن مالايجوز وشوفني ثابت مكاني



هكذا أنتهت ..



لكم مني أطيب المنى ..



----


نززف

[عبد العزيز الجراح]

محاورة شعرية رائعه جداً...
استمتعت بها كثيراً...

الرائع / نزف
يسعد صباحك...
شكراً لك على هذه الذائقة...

دمت سالماً...
أخوك / عبد العزيز الجراح

[ملفي الشلاحي]

الشاعر / عبيدالله العرابي
والشاعر / د.حمد العصيمي

شاعران غنيان عن التعريف
ونتابع ابداعهما أينما كان . .

وهذه المحاورة نموذج حي على ابداعهما

نتمنى انضمام الشاعر الدكتور حمد العصيمي معنا هنا في الزاخر

( اعزمه لنا ياعبيدالله :) )
؛
؛

شكراً يا نزف على هذه المبادرة والنقل

تحياتي للجميع