نداء عاجل للعرابي

[وافي]

الأخ عبيد الله العرابي بعد التحيه:

سلام رديةً مثل العسل ولا شراب الحليب
عدة رصيد البنوك وعد من يصرف بطاقة سوا
الليله السالفة ياصاحبي ذيب يقنب لذيب
أم تقدم لها ياذيب ولا عنها ارجع ورا

[عبيدالله العرابي]

يامرحبا ياهلا مثل الدوا اللي في يدين الطبيب=وأعداد ماتشفي المرضان حبه من حبوب الدوا
ياوافي أنته من أهل الدار ولاّ جيت زاير غريب=إنته من أي القبايل كل ذيب نجاوبه لاعوا

[محمد الأسمري]

الله الله

جزل يالوافي صح لسانك وانا اخوك

ووصح لسانك يالعرابي جزل جزل

لاهنتوا يالشعار متابعين

لكم كل التقدير

[وافي]

دام البقا من هجوساً صافيه والله عليها رقيب
لكن لا تأكل التمره وتلحقها عجيم النوا
ماني بداري غريب أن زرتها كل الدير لي تطيب
لكن قلبي يسيرمع الهوا من حيث صار الهوا

[عبيدالله العرابي]

اللي حضر دون داعي كل ماجاه الطلب مايغيب
وليا بغيت الصراحه في مثل ماقلت مالك لوا

جوابك اللي نقص وألا أنت وافي وإلك حظ ونصيب
واللي يعْرف الدروب أشره عليه إن كان عنها غوا

[وافي]

ياكبر حلمك معي لكن حلمك يا لعرابي صعيب
ولي ورد للبحر يصدر وهو ضميان ماقد روا
الوقت شيب برأسك والعشيه عارضينك تشيب
ونته ورا اللقمه اللي تنزوي يشين عيش الزوا

[عبيدالله العرابي]

ياكثر ماراح ياوافي ومثلك مايرد الذهيب
والبحر ماهو بمارد من ظمي لو إن عرقه ذوا

الوقت شيّب بروس شيوخ يارامي خطا وش تصيب
والسبع لو مالقى شاة البديوي ماقعد في طوا

[وافي]

لا تنكر اللي مضى واللي حصل واللي جرى مايغيب
يا الجندي اللي معها النرجسيه يحسبنه لوا
لا تترك الريع يالشاعر وتعطي مع مسيل الشعيب
من بادي السالفه قلتلك يارجال نمشي سوا

[عبيدالله العرابي]

مادام فوقك ستر خذ من زمانك يالمسولف وجيب
ستر العذارى مدارى.. خيّب الله سارحٍ ماضوا

لاماوثق صاحبي من صاحبه يفزع يدوّر صحيب
ثلاثه أيام تجمع في الحصيل اللي هوا ماحوا

[وافي]

يا كبر زهبتك يا رامي وتدوش مار عيت تصيب
لكن في قطركم ياصاحبي نروح سوات الشوا
الكلمة الهينه مسمع لها وضرب عليها صليب
وأعرف بها الرجال وأعرف قيمته يوم معنا التوا

[عبيدالله العرابي]

ياكبر ذلتك خذها بالرضى ولا أعتمدها غصيب
ميسمك فالناريالمخطور ماأنت أول مريض إنكوا


عزالله إنك خساره والإشاره عند حرٍ لبيب
ماتحمل السيف وأنصال القتال ونية اللي نوا

[وافي]

من يرجي الماء ترى من جمة الطينه سواتي يخيب
لوسيلت مدركه الطينه وسيل شعب وادي بوا
لا تكبر الهرج يارجال وفهم منته محمد نجيب
وقولك مثل ما قالوا أهل مكه يابن الحوا

[عبيدالله العرابي]

قليّل العِرْف تكشفه العرب لاجا بموقف عصيب
من يبلش الناس بضعاف العلوم يجيه لعنة ثوا

ياليتها ماسرت للشايب اللي مادرى وش تجيب
من شاف باكورة إنتاجه دجاجه قال ليته ثوا

[وافي]

أنته شبيه ترى للذيب لكن منته و الله ذيب
لو كان جريت فوق الضلع والا الشعب صوت العوا
أثرك كم الناقه الجربا ولا فيها يفيد العسيب
والا كما ولد قطوه كل ما غطوه نسمع موا

[عبيدالله العرابي]

أخي // وافي
نظراً لإستهلاكك وأعادة الكثير من القوافي مرةً أخرى .
نكتفي بهذا القدر من المحاوره .
وأشكرك على هذا الحضور .
وأرجو السموحه إن حصل أي تقصير .
ولك تحياتي

[وافي]

السلام عليكم ورحمة الله وبركاته
الأخ عبيد الله العرابي شكراً لهذا الحضور وكيفما تريد ونأسف إذا كان هناك ما يشوب المعاني
أو بعضها ولكم وافر المحبة والتقدير

يصمه ( غيبوا عن الرحة اللي تدش النا الطحينا
والذهب والماس غالي والعرب ما يطحنونه )