أول مـحاوره لي بـالمنتـدى .. وأقـرب طــارف ..

[عادل السلطان]

أقرب شاعر .. الله يحييّه .. ودنا ناخذ معه طاروق ..
:
:

من هجوس الشاعر اللي فالمواقف مايظام
%%% ياسلامـي عـدّ سـكان اسـيا واهـل الـكـنـانـه

شاعرً يفتل وينقض .. مايصفف فالكلام
%%% مطلبي هـو مطلبي والـلعـب مـازعــزع كـيـانه
:
:

[عبيدالله العرابي]

من هجوس الشاعر اللي لابدا حسب النظام=مرحبا من دون عدّ وكن عادل في مكانه
مابقى ألا ناخــــذ علومك بعد رد السلام=والشعر في نقض ولاّ فتل يبغى له ذهانه

[عبد العزيز الجراح]

الشاعرين الرائعين

عادل السلطان
و
عبيد الله العرابي

مساكم الله بالخير

بدايه رااائعه...
واصلوا ونحن نتابعكم...

تقبلوا تحياتي؛؛؛؛؛
أخوكم / عبد العزيز الجراح

[عادل السلطان]

الله الله
أخوي عبيدالله العرابي .. الله يحييك
وفرصه للتعلم والأستفاده ..

:

:

مرحبا بالشاعر اللي له كلام .. وله مقام
%%% يالعرابي قلتها لك مرحبا حسب الديانه

المواقف خوضها يـضهـر ثيقين الحزام
%%% والشعر في نقض ولّا فتل يبغى له شطانه

[عادل السلطان]

عبدالعزيز الجراح

:

:

هلا وغلا ..

متابعتك مكسب ونوماس ..

لاهنت يالغالي

[عبيدالله العرابي]

إنت يالمأموم وش مذهبك سابقت الإمام=مابقى ألا تقلب التكبير إلا ياليل دانه
المواقف ماتبي الا اللي على صلب العظام=والمعاني نقض ولا فتل ياعادل لعانه

[عبيدالله العرابي]

أخوي :: عبدالعزيز الجراح
لاهنت يالغالي على هالمتابعه الجميله وأشكرك على سبقك الدائم .



تحياتي لقلبك

[عبد العزيز الجراح]

الأخ الشاعر / عادل السلطان

نحن كمتابعين...

ننتظر عودتك لمواصلة هذه المحاورة الجميلة.

فقد استمتعنا بها...

نرجو أن يكون غيابك خيراً...

دمت سالماً...

أخوك / عبد العزيز الجراح

[محمد الأسمري]

الله الله الله


جزلين جزلين

صح لسانك اخوي سلطان

وصح لسان شاعرنا العرابي

لاهنتوا يالنشماء

متابعين واصلوا الله ياقاكم

[عادل السلطان]

:

:

يالعرابي كانك السوّاق فـديار الكرام ؟ *** المذاهب والمبادي واجبه فرض وامانه

النفوس الواهمه فديارها جاها انفصام *** علّتك تحتاج بعض الوقت مع بعض الصيانه

:
:

[عادل السلطان]

:
:
الأخ الغالي ..

عبدالله العرابي

يعلم الله ظروفً حتمت عليّ هذا االأنقطاع .. وفعلاً تأخرت .. لكن والله من ظروف قاهره

وتقبل أسفي ..

[عادل السلطان]

:
:

الأستاذ عبدالعزيز الجرّاح

وأنا كلي أسف يعلم الله بسبب هذا الانقطاع .. لكن من ظروف حتمت هذه الغيبه المؤقته

وكلي اسف ..

تقديري لك يالشامخ

:
:

[عادل السلطان]

:
:

الأخ .. محمد الأسمري

متابعتك مكسب وشرف لنا ..

تقديري لك
:
: