مرحبا يالأسمري /محمد

[عبيدالله العرابي]

البارق اللي في سما الزاخر سرى ليله يلوح=عيني تخيله والمخيله ماسكت رعّادها

الأسمري شاعر ليا جا ماتمنيته يروح=يامرحبا ترحيبةٍ كيف الرجال قنادها

[نزف]

أول القادمون ..

أطالب بحجز مقعد في الصفوف الأمامية ..

تمنياتي لكم بالتوفيق ..


-----

نزف

[عبيدالله العرابي]

نزف ..

ألف شكراً لهذا الحجز الغالي على قلبي..


أتمنى أن لايتأخر الشاعر الكبير / محمد الأسمري ..

إنتظرناه.. ولم يأتي ..

تحياتي حبيبي نزف .

[عبيدالله العرابي]

لازلنا ننتظر الشاعر الكبير / محمد الأسمري ..

للجميع التحيه والتقدير ..


العرابي

[مطر الجرواني]

اخي الكريم
الشاعر/محمد الاسمري

السلام عليكم ورحمة الله وبركاته

ياحيالله من لفانا
وياهلا وغلا فيك ياغالي

الزاخر زاره عطر بخوورك

وكلنا فخرا ً بك....





اخي العرابي الف شكر لاهنت









اخيكم



المطر

[عبيدالله العرابي]

أخوي مطر الجرواني

مرحبابك ولاهنت على حضورك الجميل ..

الشكر لتواصلك معنا .. ولمرورك المورق ..

تحياتي

[محمد الأسمري]

اولا - السلام عليكم ورحمة الله وبركاته

ومساكم الله بالخير جميعا يسعدني أن أتواجد بينكم وبحضور هذه الأسماء الرائعه ..

والشكر كل الشكر لشاعرنا الكبير عبيد الله العرابي على هالطاروق ولكل من حضر واسمحوني على التأخير

وأستلم وانا اخوك يا عبيد الله



البارق اللي في سما الزاخر لفى معه الفروح=يا الله عسى عين المخيل لا يطول اسهادها
الأسمري يا صاحبي حاضر ليا شدت السروح=والك البقا يا شاعر(ن) بأسم المراجل سادها

[عبد العزيز الجراح]

الأخ الشاعر / محمد الأسمري

يسعدني ويشرفني أن ارحب بك أجمل ترحيب.
ويا هلاا وغلاا فيك...
وحياك الله...
في منتدات الزاخر...
يسعدنا كثيراً أنضمامك إلينا فوجود شاعر كبير بحجمك هو مكسب وإضافة قوية لمنتدانا الزاخر الذي نسعى للرقي به.
من الأورده .. شكراً لك لتلبية الدعوه...
والشكر موصول للرائع جداً / عبيد الله العرابي.

دمت هناااااا...
أخوك / عبد العزيز الجراح

[عبيدالله العرابي]

مرحباً ألف يالغالي ..
الحقيقه طال الإنتظار ولا عندي شك في أن تأخرك كان لسبب ما .. إلا أنه يسعدنا هذا الحضور والذي لا نعتبره متأخر بل هو في وقته .

لاهنت وإستلم سلمت ..

أنا أدري إن البارق اللي لاح ماهو من شحوح=يافارس الهيجا جردت من السيوف حدادها
يابو حسن ياصغر ذاك البحر عند ألواح نوح=هذي حقيقه والسوالف سوقها وإقتادها

[محمد الأسمري]

أستاذي الكريم الاخ عبد العزيز الجراح

لاهنت على الحضور والأطراء من طيبك يالقرم

لك كل التقدير يالغالي

ولاهنت أخوي عبيد الله العذر منك يالغالي والله أنشغلت لامر هام

لكن استلم يالذيب


وأنا ادري أنك شاعر(ن) وافي ومن طبعه سموح=يا مجزل المعنى ترى مافادها لو فادها
لا تنبش الماضي وخل الماضيات امن الجروح=الريح هبت ذات يوم وراح فيها عادها

[عبد العزيز الجراح]

الشاعرين الكبيرين

عبيد الله العرابي
و
محمد الأسمري

طاروق جميل جداً...
واصلوا ونحن نتابعكم.

تقبلوا تحياااتي؛؛؛

أخوكم / عبد العزيز الجراح

[محمد الأسمري]

الله يبقيك عبد العزيز الجراح

لاهنت يالغالي مرورك زاد المحاورة حماس



لك كل التقدير يالوافي

اخوك محمد الأسمري

[عبيدالله العرابي]

وأنا أدري إنك شاعرٍ وافي ولك قلبٍ نصوح=نقدي على راع الذلول اللي يميل شدادها
السالفه سهله وسدي يامحمد مايبوح=صحيح ما أتحسّف لدلتها ولا برادها

[محمد الأسمري]

الله الله

أستلم لاهنت يالعرابي


الأرض والبنيان للمالك وله حد السطوح=ياللي توردها ترى مانيتي ورادها
ودي نشد اركابنا يم الحمام اللي ينوح =كانك تقول انك تعرف الصيد يا صيادها

[عبيدالله العرابي]

الأرض والبنيان وإبل البدو والكلب النبوح=والديره اللي حرها يحجب عليك برادها
يابو حسن مافالمنيحه لاغبوق ولاصبوح=والناس ماترتاح جوف بلاد غير بلادها

[محمد الأسمري]

كل على ما يعجبه لكن تراني لك نصوح= لا تأخذك في صاحبك بقعا وزود عنادها
الدله اللي قد لها ساعه على نارك تفوح = تحرم ويحرم عقبها يا صاحبي زوادها

[عبيدالله العرابي]

أحسد عليك مقارب المعلول والعله ذبوح=وأنته من رجالٍ تولع نارها بزنادها
ياطيب أهل جيزان حتى لو يبيعون اللحوح=يامحمد إنشد عن خوال الناس قبل أجدادها

[فوزي الخالدي]

صح لسانك يابو حسن

وبيض الله وجهك

تحياتي

[محمد الأسمري]

الله الله يالعرابي

صح لسانك يالذيب




الطيب والمعروف والعليا وشرواكم طموح=مثلي ترى ما يفرق الصفين لو ما قادها
ونختم صلاة الله على المختار بالصوت الصدوح= يسمع بها كل البشر ويعيدها من عادها

[محمد الأسمري]

ارررررررررررررحب يالخالدي

صح ابدنك يالقرم

لاهنت لاهنت على حضورك يالغالي

وتصبحون على خير

[عبد العزيز الجراح]

الله...
الله...
على هذا الأبداااااع...

للأمانه ...
لقد سعدتُ كثيراً بهذه المحاوره.

أسعدكم الله كما اسعدتموني...

جل تقديري لكم...
أخوكم / عبد العزيز الجراح

[عبيدالله العرابي]

صح لسانك أستاذي// محمدالأسمري ..
وعزالله إنك ونعم الحقيقه شهادتي فيك مجروحه .
وسعدت جداً بلقائك واشكرك على سعة صدرك وبعد نظرك .
وشكراً لكل الأحبه الذين إزداد بهم وهج هذه المحاوره ..

ونلتقي على خير ..

[عبيدالله العرابي]

أخي العزيز / عبدالعزيز الجراااح
بوجودك كان هذا اللقاء له نكهه خاصه ..
أشكرك أنت على روحك الجميله ومتابعتك التي كان لها الأثر الكبير في ما أحسسنا به نحن من سعاده..
تحياتي لك ولقلبك الناصع البياض